मराठमोळ्या अभिनेत्याने गुजराती अभिनेत्रीशी बांधली लग्नगाठ; शाही विवाहसोहळ्याचे खास फोटो आले समोर

Shrenu Parikh Married Akshay Mhatre : अभिनयविश्वात सध्या लगीनघाई पाहायला मिळत आहे. एकापाठोपाठ एक अनेक कलाकार यंदा लग्नबंधनात अडकले आहेत. आता टीव्ही अभिनेत्री श्रेनू पारीख व अक्षय म्हात्रे लग्नबंधनात अडकले आहेत. प्रसिद्ध टीव्ही अभिनेत्री श्रेनू पारीखने अभिनेता अक्षय म्हात्रेशी लग्नगाठ बांधली. श्रेनू गुजराती आहे तर अक्षय मराठी आहे. दोघांनीही मराठी व गुजराती पारंपारिक पद्धतीने लग्न केले, असं वृत्त 'दैनिक जागरण'ने दिलंय. लग्नात श्रेनूने केशरी व लाल रंगाचा लेहेंगा निवडला, तर अक्षय लाल रंगाच्या शेरवानीत खूपच सुंदर दिसत होता. दोघांनी शाही पद्धतीने २१ डिसेंबर रोजी लग्नगाठ बांधली. त्यांच्या लग्नाचे ठिकाणही खूप सुंदर होते. श्रेनू व अक्षय यांनी आपल्या लग्नाचे फोटो सोशल मीडियावर शेअर केले आहेत. दोन वर्षांपासून रिलेशनशिपमध्ये असलेलं जोडपं आता एकत्र संसार करणार आहे. त्यांच्या लग्नाच्या फोटोंवर कमेंट्स करून इंडस्ट्रीतील मित्र-मैत्रिणींसह चाहते शुभेच्छा देत आहेत. श्रेनू पारीख आणि अक्षय म्हात्रे यांची प्रेमकहाणी २०२१ मध्ये सुरू झाली होती. दोघांची भेट 'घर एक मंदिर' या टीव्ही शोच्या सेटवर झाली होती. त्यानंतर त्यांची मैत्री झाली आणि ते एकमेकांच्या प्रेमात पडले. (फोटो सौजन्य - श्रेनू पारीखच्या इन्स्टाग्राम अकाउंटवरून साभार)