अभिनेत्री नसूनही कोट्यवधींची मालकीण आहे अर्जुन कपूरची बहीण, अंशुला कपूर नेमकं काय काम करते? जाणून घ्या

चित्रपट निर्माते बोनी कपूर यांची मोठी मुलगी आणि अर्जुन कपूरची बहीण अंशुला कपूर बी-टाऊनच्या लोकप्रिय स्टार किड्सपैकी एक आहे. अंशुला कपूर ३३ वर्षांची आहे. अंशुला कपूर भलेही अभिनयाच्या दुनियेत सक्रिय नसेल, पण ती सोशल मीडियावर खूप सक्रिय असते. आज आपण अंशुलाच्या लक्झरी लाइफस्टाइल व तिच्या नेट वर्थबद्दल जाणून घेणार आहोत. बोनी कपूर यांनी दोन लग्न केले होते हे सर्वांनाच माहिती आहे. त्यांचं आधी मोना कपूरशी लग्न झालं होतं. पहिल्या लग्नापासून त्यांना अर्जुन आणि अंशुला कपूर ही दोन अपत्ये आहेत. तर दुसरे लग्न श्रीदेवीशी झाले होते. दुसऱ्या लग्नापासून त्यांना जान्हवी व खुशी कपूर या दोन मुली आहेत. आता बोनी यांची तीन अपत्ये अर्जुन कपूर, जान्हवी कपूर आणि खुशी कपूर अभिनयाच्या जगात सक्रिय आहेत. पण अंशुला अभिनयापासून दूर आहे. मात्र ती खूप लक्झरी आयुष्य जगते. अंशुला कपूरची आलिशान आयुष्य गजते. 'TV9' च्या रिपोर्टनुसार, अंशुला कपूरची संपत्ती १२ ते १४ कोटी रुपयांच्या दरम्यान आहे. खरं तर, अंशुला कपूर सोशल मीडियावर तिच्या एका पोस्टमधून लाखोंची कमाई करते. याशिवाय ती ब्रँड प्रमोशनसाठी मोठी रक्कम आकारते. यामुळेच अभिनेत्री नसतानाही ती कोट्यवधी रुपयांची मालकीण आहे. यासोबतच तिच्याजवळ BMW सारखी लक्झरी कारही आहे. (सर्व फोटो - अंशुला कपूर इन्स्टाग्राम)