Photos: ‘आई कुठे काय करते’ मालिकेतील ‘या’ अभिनेत्रीचा पार पडला साखरपुडा; पाहा खास फोटो

'आई कुठे काय करते' ही स्टार प्रवाह वाहिनीवरील लोकप्रिय मालिका आहे. या मालिकेत 'आरोही'ची भूमिका अभिनेत्री कौमुदी वलोकर साकारत आहे. ३१ डिसेंबर रोजी कौमुदीचा साखरपुडा आकाश चौकसेबरोबर थाटामाटात पार पडला आहे. साखरपुडा सोहळ्यातील काही खास फोटो कौमुदीने इन्स्टाग्रामवर शेअर केले आहेत. साखरपुडा सोहळ्यासाठी कौमुदी आणि आकाशने अबोली रंगाचे कपडे परिधान केले आहेत. कौमुदीच्या फोटोंवर मधुराणी प्रभुलकरने 'Beautiful Couple' अशी कमेंट केली आहे. कौमुदी आणि आकाशच्या फोटोंवर चाहत्यांनी शुभेच्छांचा वर्षाव केला आहे. 'शाळा' या मराठी चित्रपटात कौमुदी दिसली होती. कौमुदीने 'शटर', 'व्हायझेड', 'तुझ्या-माझ्यात' आणि 'मी वसंतराव' या चित्रपटांमध्ये काम केले आहे. कौमुदी 'आई कुठे काय करते' या मालिकेपूर्वी झी युवावरील 'देवाशप्पथ' या मालिकेत झळकली होती. (सर्व फोटो सौजन्य : कौमुदी वलोकर/इन्स्टाग्राम) (हेही पाहा : मालदीवच्या समुद्रकिनारी 'महाराष्ट्राची हास्यजत्रा' फेम अभिनेत्रीचं पतीबरोबर रोमँटिक फोटोशूट)