आमिर खानची विहीणबाईंसह कँडिड पोज, आयरा-नुपूरच्या लग्नात खान कुटुंबाचा Family Photo अन्…; पाहा खास क्षण

आयरा खान व नुपूर शिखरे यांचं लग्न गेल्या काही दिवसांपासून चर्चेत आहे. दोघांनी १० जानेवारी रोजी उदयपूरमध्ये लग्नगाठ बांधली. त्यांच्या लग्नाचे फोटो सध्या सोशल मीडियावर व्हायरल झाले आहेत. आयरा व नुपूर शिखरे यांच्या लग्नातील फोटोग्राफरने या जोडप्याचे काही फोटो शेअर केले आहेत. या लग्नातील अनेक कँडिड फोटो त्याने इन्स्टाग्रामवर शेअर केले आहेत. यात रीना दत्ता व आमिर यांचाही एक फोटो समोर आला आहे. त्यात ते एकमेकांचा हात हातात घेऊन बसले आहेत. मिथिला पालकर या लग्नाला उपस्थित होती. नुपूर व आयराबरोबर खान कुटुंब...आमिर खान, पहिली पत्नी रीना दत्ता, मुलगा जुनैद, दुसरी पत्नी किरण राव व मुलगा आझाद यांचा नवविवाहित जोडप्याबरोबरचा फोटो चांगलाच चर्चेत आहे. यावेळी आयराचे वडील आमिर खान यांचा विहीणबाई प्रीतम शिखरे यांच्याबरोबरचा हा कँडिड फोटो चर्चेत आहे. किरण रावचा लग्नात अनोखा अंदाज पाहायला मिळाला. आयरा व नुपूरच्या लग्नानंतर आता त्यांच्या रिसेप्शनची तयारी सुरू आहे. (सर्व फोटो - David Poznic Photography या इन्स्टाग्राम अकाउंटवरून साभार)