प्रथमेश परब १४ फेब्रुवारीला साखरपुडा का करणार? व्हेलेंटाईन डे आहे म्हणून नव्हे तर…; कारण आहे खूपच खास

‘टाईमपास’ फेम प्रथमेश परब सध्या त्याच्या वैयक्तिक आयुष्यामुळे चर्चेत आहे. प्रथमेश त्याची गर्लफ्रेंड क्षितिजा घोसाळकरबरोबर लवकरच विवाहबंधनात अडकणार आहे. काही दिवसांपूर्वीच या जोडप्याने साखरपुड्याच्या तारखेची घोषणा केली आहे. प्रथमेश व क्षितिजा येत्या १४ फेब्रुवारीला साखरपुडा करणार आहेत. व्हेलेंटाईन डे आहे म्हणून नव्हे तर १४ फेब्रुवारी ही तारीख साखरपुड्यासाठी निवडण्यामागे या जोडप्याने एक खास कारण सांगितलं आहे. प्रथमेशने पहिल्यांदा १४ फेब्रुवारी २०२० रोजी व्हेलेंटाईन डेची फोटोशूट सीरिज पाहून क्षितिजाला मेसेज केला होता. पुढे, बरोबर एक वर्षाने म्हणजेच १४ फेब्रुवारी २०२१ रोजी त्यांनी रिलेशनशिपला सुरुवात केली. त्यानंतर १४ फेब्रुवारी २०२३ मध्ये प्रथमेश-क्षितिजाने सोशल मीडियावर प्रेमाची जाहीर कबुली दिली होती. आता १४ फेब्रुवारी २०२४ मध्ये त्यांच्या रिलेशनशिपला ३ वर्षे पूर्ण होणार असल्याने त्यांनी या खास दिवशी साखरपुडा करण्याचा निर्णय घेतला आहे. येत्या १४ फेब्रुवारीला साखरपुडा उरकल्यानंतर २४ फेब्रुवारीला प्रथमेश-क्षितिजा लग्नबंधनात अडकणार आहेत. ( सर्व फोटो सौजन्य : प्रथमेश परब व क्षितिजा घोसाळकर इन्स्टाग्राम )