‘मोहे रंग दो लाल…’; बनारसी साडीमध्ये सोनाली कुलकर्णीचं मनमोहक रुप

अभिनेत्री सोनाली कुलकर्णी ही महाराष्ट्राच्या आघाडीच्या आणि लाडक्या अभिनेत्रींपैकी एक आहे. सोनालीला फिरण्याचीही प्रचंड आवड आहे. अनेकदा ती वेगवेगळ्या ठिकाणी ट्रीप्सला जात असते. वेगवेगळे अनुभव ती आपल्या चाहत्यांबरोबर सोशल मीडिया आणि तिच्या यूट्यूब चॅनेलच्या माध्यमातून शेअर करत असते. सोनाली वेगवेगळ्या फोटोशूटमुळे नेहमी चर्चेत असते. अनेकदा ती सोशल मीडियावर फोटो शेअर करत असते. नुकतंच सोनालीने लाल रंगाची बनारसी साडी नेसून सुंदर फोटोशूट केलं आहे. यासंबंधीचे सर्व फोटो तिने आपल्या इन्स्टाग्राम अकाऊंटवर शेअर केले आहेत. सोनालीने मनमोहक पोजमध्ये हे फोटोशूट केलं आहे. या फोटोच्या कॅप्शनमध्ये तिने लिहिलंय, "कारण प्रेमाचा रंग लाल आहे." सोनालीचे हे फोटो तिच्या चाहत्यांना खूपच आवडले असून त्यांनी तिच्या फोटोवर लाइक्स आणि कमेंट्सचा वर्षाव केला आहे. एका चाहत्याने म्हटलंय, "लाल रंग आणखीनच सुंदर वाटतो जेव्हा तू तो परिधान करतेस." तर दुसऱ्याने म्हटलंय, "सौंदर्याचं दुसरं नाव 'सोनाली' आहे." Photographs by @pixplusstudio