Photos: ‘बलोच’ चित्रपटातील अभिनेत्रीचा पार पडला साखरपुडा; फोटो सोशल मीडियावर व्हायरल

'बलोच' या मराठी चित्रपटातील अभिनेत्री तेजश्री जाधवचा काल (१४ मार्च) रोजी साखरपुडा पार पडला. तेजश्रीने इन्स्टाग्रामवर साखरपुड्यातील काही फोटो शेअर केले आहेत. प्रियकर रोहन सिंगबरोबर तेजश्रीने साखरपुडा केला. साखरपुड्यासाठी तेजश्रीने हिरव्या रंगाची साडी नेसली होती. रोहनने साखरपुड्यासाठी हिरव्या रंगाचा कुर्ता आणि क्रिम रंगाचे जॅकेट परिधान केले होते. या फोटोंना तेजश्री आणि रोहनने #TeRoForever असा हॅशटॅग दिला आहे. सध्या सोशल मीडियावर साखरपुड्याचे फोटो व्हायरल झाले आहेत. तेजश्री आणि रोहनच्या प्री-वेडिंग फोटोशूटची बरीच चर्चा झाली होती. तेजश्रीने मराठीसह बॉलिवूड आणि दाक्षिणात्य चित्रपटांमध्येही काम केले आहे. तेजश्रीने 'माधुरी टॉकीज', 'द जोकर : अ स्ट्रेंज किडनॅपर' या हिंदी वेबसीरिजमध्ये काम केले आहे. (सर्व फोटो सौजन्य : तेजश्री जाधव/इन्स्टाग्राम) (हेही पाहा : 'झी नाट्य गौरव २०२४' पुरस्कार सोहळ्यासाठी श्वेता शिंदेचा निळ्या रंगाच्या साडीतील लूक)