पती फोटोग्राफर तर सासरे मंत्री, स्वत: राजकुमारी असलेली अभिनेत्री अभिनय सोडून रमली संसारात, पाहा Photos

मोहेना कुमारी ही लोकप्रिय डान्सर व अभिनेत्री आहे. ती मध्य प्रदेशमधील रिवा इथली राजकुमारी आहे. मोहेनाने तिच्या करिअरमध्ये ‘दिल दोस्ती डान्स’, ‘ये है आशिकी’, ‘ये रिश्ता क्या कहलाता है’ या शोमध्ये काम केलं आहे. मोहेना सध्या अभिनयक्षेत्रापासून दूर आहे. आता ती तिच्या वैयक्तिक आयुष्यामुळे चर्चेत आहे. मोहेना २ एप्रिलला दुसऱ्यांदा आई झाली. तिने मुलीला जन्म दिला आहे. तिने २०२२ मध्ये तिच्या पहिल्या मुलाला जन्म दिला, त्याचं नाव अयांश आहे. तिने २०१९ मध्ये सुयश रावतशी लग्न केलं. सुयश मूळचे उत्तराखंडचे आहेत. सुयश रावत बिझनेसमन व फोटोग्राफर आहेत. त्यांना वाईल्ड-लाइफ फोटोग्राफीची खूप आवड आहे. सुयश यांच्या इन्स्टाग्राम अकाउंटवर त्यांनी काढलेले सुंदर फोटो पाहायला मिळतात. सुयश यांचे वडील व मोहेनाचे सासरे सतपाल महाराज हे राजकारणी आहेत. सतपाल महाराज हे भाजपा नेते आहेत. सध्या ते उत्तराखंडचे पर्यटन मंत्री आहेत. मोहेना सासरच्या कुटुंबाचे फोटो सोशल मीडियावर शेअर करत असते. मोहेना अनेकदा तिच्या सासऱ्यांसह शासकीय कार्यक्रमांना हजेरी लावते. मोहेनाबद्दल बोलायचं झाल्यास ती पाच वर्षांपासून अभिनयक्षेत्रापासून दूर आहे. मोहेना संसारात रमली असून दोन मुलांची आई आहे. ती मुलाबरोबरचे फोटो सोशल मीडियावर शेअर करत असते. (सर्व फोटो - मोहेना कुमारी इन्स्टाग्राम)