प्राजक्ता गायकवाडने गुढीपाडव्याच्या दिवशी खरेदी केली नवीकोरी कार; पोस्ट शेअर करत म्हणाली, “वाट पाहण्यापेक्षा…”

अभिनेत्री प्राजक्ता गायकवाड 'स्वराज्यरक्षक संभाजी' या मालिकेतून 'येसूबाई' या नावाने महाराष्ट्राच्या घराघरात पोहोचली. मराठी प्रेक्षकांनी प्राजक्ताला खूप प्रेम दिले. प्राजक्ता सोशल मीडियावर प्रचंड सक्रिय असून ती तिच्या आयुष्यातील अनेक गोष्टी चाहत्यांबरोबर शेअर करत असते. प्राजक्ताला गाडी चालवण्याची खूप आवड असून तिच्या सोशल मीडिया पोस्टमधून हे ठळकपणे दिसून येते. हीच आवड जपत प्राजक्ताने तिच्या आयुष्यात एक नवा टप्पा गाठला आहे. गुढीपाडव्याच्या शुभ मुहूर्तावर प्राजक्ताने नवीकोरी कार विकत घेतली आहे. ९ एप्रिल २०२४ला प्राजक्ताने 'ह्युंदाई' या कंपनीची 'क्रेटा' ही कार घेतली आहे. तिच्या या आनंदात तिचे कुटुंबीय तिच्याबरोबर होते. अतिशय पारंपरिक पद्धतीने गाडीसमोर नारळ फोडून तिने गाडीची पूजा केली. यावेळी प्राजक्ताने पैठणी साडीच्या कापडाचा गाऊन ड्रेस घातला होता. "जिथे प्रयत्नांची उंची मोठी असते तिथे नशिबाला पण कमीपणा घ्यावा लागतो. सुंदर क्षणाची वाट पाहण्यापेक्षा लाभलेला क्षण सुंदर करा." असं कॅप्शन तिने फोटोला दिलं आहे. चाहत्यांनीही प्राजक्ताच्या या फोटोवर लाइक्स आणि कमेंट्सचा वर्षाव करत तिला शुभेच्छा दिल्या आहेत. (Photos: Prajakta Gaikwad/Instagram)