Photos : सोनाली खरेचे पती आहेत प्रसिद्ध बॉलीवूड अभिनेते! दोघांच्या वयात आहे फक्त एवढं अंतर; थेट सांगितली जन्मतारीख

‘चेकमेट’, ‘सावरखेड एक गाव’ अशा बऱ्याच चित्रपटांमुळे अभिनेत्री सोनाली खरे घराघरांत लोकप्रिय झाली. सोनालीने वैयक्तिक आयुष्यात बिजय आनंद यांच्याशी लग्नगाठ बांधली आहे. सोनालीचे पती बिजय आनंद बॉलीवूडमधील लोकप्रिय अभिनेते म्हणून ओळखले जातात. 'शेरशाह', 'IB 71', 'आदिपुरुष' अशा चित्रपटांमध्ये त्यांनी काम केलेलं आहे. मध्यंतरी सोनाली आणि तिच्या पतीमध्ये तब्बल २७ वर्षांचं अंतर आहे अशा चर्चा सर्वत्र चालू होत्या. परंतु, अभिनेत्रीने अनेकदा या सगळ्या अफवा आहेत असं सांगितलं आहे. सोनालीने नुकत्याच दिलेल्या मुलाखतीत या सगळ्या खोट्या चर्चांवर स्पष्टीकरण देत टीकाकारांना उत्तर दिलं आहे. "आमच्यामध्ये २७ वर्षांचं अंतर अजिबात नाही. माझा जन्म आहे ५ डिसेंबर १९७८ आणि माझ्या नवऱ्याचा जन्म आहे १९७० सालचा." असं सोनालीने सांगितलं. सोनाली पुढे म्हणते, "आता मी आमच्या जन्मतारखा खूप उघडपणे सगळीकडे सांगते. खरंतर बायका त्यांचं वय असं उघडपणे सांगत नाहीत. पण, मी मात्र सांगते कारण, आमच्यात फक्त ८ वर्षांचं अंतर आहे.” या दोघांच्या लेकीचं नाव सनाया आहे. "जर दोन व्यक्तींना एकमेकांबरोबर आयुष्य घालवण्यासाठी त्यांची साथ योग्य वाटत असेल, तर त्याच्यासमोर जात-पात, वय अशा काहीच गोष्टी नसतात. त्यामुळे मध्ये जे काही सगळीकडे येत होतं ते खोटं आहे आमच्यात फक्त आठ वर्षांचं अंतर आहे.” असं सोनाली खरेने स्पष्ट केलं. ( सर्व फोटो सौजन्य : सोनाली खरे इन्स्टाग्राम )