‘तारक मेहता…’ फेम अभिनेत्रीचं बीचवर रोमँटिक फोटोशूट, झीलने बॉयफ्रेंडला गुडघ्यावर बसून केलं प्रपोज, पाहा Photos

लोकप्रिय टीव्ही अभिनेत्री झील मेहता सोशल मीडियावर खूप सक्रिय आहे. 'तारक मेहता का उल्टा चष्मा' मालिकेत आत्माराम भिडेंच्या लेकीची सोनू नावाची भूमिका साकारून झील खूप लोकप्रिय झाली. झील लवकरच लग्न करणार असून ती इन्स्टाग्रामवर होणाऱ्या पतीबरोबरचे फोटो शेअर करत असते. आता तिने होणारा पती आदित्य दुबेबरोबरचे रोमँटिक फोटो शेअर केले आहेत. आदित्य व झीलने बीचवर रोमँटिक फोटोशूट केलं आहे. या फोटोंमध्ये झील आदित्यला प्रपोज करताना दिसत आहे. त्यांचे बीचवरील रोमँटिक फोटो सोशल मीडियावरही चर्चेत आहेत. या खास फोटोशूटसाठी आदित्य व झीलने पांढऱ्या रंगाचे कपडे परिधान केले होते. बीचवर मस्ती करतानाचे फोटो झीलने इन्स्टाग्रामवर शेअर केले आहेत. आदित्य व झील यांचे प्री-वेडिंगचे हे फोटो आहेत. प्री-वेडिंगचे हे फोटो पाहता ते लवकरच लग्न करतील, अशा चर्चा होत आहेत. झील व आदित्य यांचा साखरपुडा झाला आहे. झीलने जानेवारी महिन्यात साखरपुडा केला होता. झीलच्या कामाबद्दल बोलायचं झाल्यास ती सध्या अभिनयापासून दूर असून बिझनेस सांभाळतेय. (सर्व फोटो - झील मेहता इन्स्टाग्राम)