‘नाच गं घुमा’ फेम नम्रता संभेरावच्या नवऱ्याला पाहिलंत का? लग्नाच्या वाढदिवशी शेअर केले खास फोटो

महाराष्ट्राची लाडकी अभिनेत्री नम्रता संभेराव सध्या 'नाच गं घुमा' चित्रपटामुळे चांगलीच चर्चेत आहे. आज ( १३ मे २०२४ ) लग्नाच्या वाढदिवसानिमित्त नम्रताने आपल्या नवऱ्याबरोबरचे खास फोटो सोशल मीडियावर शेअर केले आहेत. नम्रताने वैयक्तिक आयुष्यात २०१३ मध्ये योगेश संभेराव यांच्याशी लग्न केलं. नम्रता आणि योगेश एकत्र कॉलेजमध्ये होते. त्यानंतर सोशल मीडियामुळे त्यांची मैत्री अधिक घट्ट झाली. या मैत्रीचं रुपांतर पुढे प्रेमात झालं. लग्नाच्या वाढदिवसानिमित्त फोटो शेअर करत नम्रता लिहिते "Happy anniversary माय लव्ह...आपण आयुष्यभर असेच एकत्र, हसत-खेळत आनंदी राहुयात." नम्रता आणि योगेश यांना रुद्राज नावाचा गोंडस मुलगा आहे. आयुष्यातील प्रत्येक टप्प्यावर नम्रताला तिच्या नवऱ्याने खंबीरपणे साथ दिली आहे. लग्नाच्या वाढदिवसानिमित्त शेअर केलेल्या फोटोंमध्ये नम्रताने वेस्टर्न लूक केल्याचं पाहायला मिळत आहे. दरम्यान, लग्नाच्या वाढदिवसानिमित्त नेटकऱ्यांसह मनोरंजन विश्वातील कलाकार नम्रतावर शुभेच्छांचा वर्षाव करत आहेत. ( सर्व फोटो सौजन्य : नम्रता संभेराव इन्स्टाग्राम )