Photos: लग्नाच्या पहिल्या वाढदिवसानिमित्त दत्तू मोरेने शेअर केले बायकोबरोबरचं रोमँटिक फोटो

सोनी मराठी वाहिनीवरील 'महाराष्ट्राची हास्यजत्रा' या कार्यक्रमाने महाराष्ट्रातल्याच नव्हे तर जगभरातल्या प्रेक्षकांची मनं जिंकली आहेत. या कार्यक्रमातून अभिनेता दत्तू मोरे घराघरात लोकप्रिय झाला. २३ मे २०२३ रोजी दत्तू मोरेने डॉक्टर स्वाती घुनागेबरोबर लग्नगाठ बांधली. दत्तू व स्वातीने कोर्ट मॅरेज पद्धतीने लग्न केलं होतं. आज दत्तू आणि स्वातीच्या लग्नाचा पहिला वाढदिवस आहे. लग्नाच्या पहिल्या वाढदिवसानिमित्त दत्तूने सोशल मीडियावर स्वातीबरोबरचं काही रोमँटिक फोटो शेअर केले आहे. दत्तूने या फोटोंना "लग्नाच्या वाढदिवसाच्या शुभेच्छा… असेच छान राहु...आणि एकमेकांना सांभाळून घेत जाऊ..." असे कॅप्शन दिले आहे. दत्तूच्या या फोटोंवर चाहत्यांबरोबरचं सेलिब्रिटींनी शुभेच्छांचा वर्षाव केला आहे. काही महिन्यांपूर्वी स्वातीने ठाण्यात तिचं पहिलं क्लिनिक सुरू केले. दत्तूच्या चाहत्यांमध्येही दिवसेंदिवस वाढ होत आहे. (सर्व फोटो सौजन्य : दत्तू मोरे/इन्स्टाग्राम) (हेही पाहा : दीपिका पदुकोण ते रिचा चड्ढा..; २०२४मध्ये 'या' बॉलिवूड अभिनेत्री होणार आई)