Photos: कर्जतच्या आलिशान फार्महाऊसमध्ये प्राजक्ता माळीचं फोटोशूट; नेटकरी म्हणाले ‘आम्हाला पण…’

मराठी चित्रपटसृष्टीतील लोकप्रिय अभिनेत्री प्राजक्ता माळीने गेल्या वर्षी कर्जतमध्ये आलिशान फार्महाऊस खरेदी केले. प्राजक्ताने तिच्या फार्महाऊसला 'प्राजक्तकुंज' असे नाव दिले आहे. नुकतेच प्राजक्ताने कर्जतच्या या फार्महाऊसमध्ये खास फोटोशूट केले आहे. या फोटोंमध्ये प्राजक्ताने पांढऱ्या रंगाचा को-ऑर्ड सेट परिधान केला आहे. प्राजक्ताच्या फोटोशूटवर नेटकऱ्यांनी 'आम्हाला पण बोलवा कधी तरी...' अशी कमेंट केली आहे. प्राजक्ताचे हे फार्महाऊस कर्जतमध्ये डोंगराच्या कुशीत आणि निसर्गाच्या सानिध्यात वसलेले आहे. प्राजक्ताच्या फार्महाऊसचे एका दिवसाचे भाडे वीकेंडला (शनिवार-रविवार) ३० हजार रुपये आहे. सोमवार ते शुक्रवारदरम्यान एका दिवसाचे भाडे १७ ते २० हजार रुपये आहे. या फार्महाऊसमध्ये एकावेळी १५ जण राहू शकतात. सध्या प्राजक्ता सोनी मराठी वाहिनीवरील 'महाराष्ट्राची हास्यजत्रा' या कार्यक्रमात सूत्रसंचालन करत आहे. (सर्व फोटो सौजन्य : प्राजक्ता माळी/इन्स्टाग्राम) (हेही पाहा : अदिती द्रविडच्या मुंबईतील नव्या घराची नेमप्लेट पाहिलीत का? सोशल मीडियावर होतेय चर्चा)