आई-वडील झोपल्यावर मध्यरात्री त्यांच्या खोलीत जायची जान्हवी कपूर, कारण सांगत म्हणाली…

बॉलिवूड अभिनेत्री जान्हवी कपूर सध्या तिच्या 'मिस्टर अँड मिसेस माही' या चित्रपटामुळे चर्चेत आहे. हा चित्रपट आज प्रदर्शित झाला आहे. यामध्ये राजकुमार रावही महत्त्वाच्या भूमिकेत दिसणार आहे. (@ janhvikapoor /Insta) जान्हवी आपल्या वैयक्तिक आयुष्यामुळेही चर्चेत असते. नुकताच तिने खुलासा केला आहे की रात्री तिचे आई-वडील झोपल्यानंतर ती लपून त्यांच्या खोलीत जात असे. जान्हवी कपूर तिचे आई-वडील श्रीदेवी आणि बोनी कपूर यांच्याबद्दल खूप काळजीत असायची. त्यामुळे ती त्यांच्या खोलीत जायची आणि ते दोघेही ठीक आहे का? ते बघायची. अभिनेत्रीने रणवीर अलाहाबादियाला दिलेल्या मुलाखतीत ही माहिती दिली. ते दोघे जिवंत आहेत ना, हे बघायला त्यांच्या खोलीत जायचे, असं जान्हवीने सांगितलं. जान्हवी कपूर म्हणाली की, ती लहान होती तेव्हा तिला भीती वाटत होती की ती आई-वडील गमावेल. मोठी झाल्यावरही तिला हीच भीती असायची. त्यामुळे दोघांचाही श्वास सुरू आहे ना, हे बघायला ती अनेकदा रात्री त्यांच्या खोलीत जात असे. आई श्रीदेवींचं जाणं अद्याप स्वीकारू शकले नाही, असं जान्हवीने या मुलाखतीत सांगितलं. जान्हवी कपूर म्हणाली, एका विशिष्ट वयानंतर आई-वडील तुमची मुलं बनतात आणि तुम्हाला त्यांची काळजी घ्यावी लागते. (सर्व फोटो - जान्हवी कपूर इन्स्टाग्राम)