हिरवी पैठणी, नाकात नथ अन् चंद्रकोर, Cannes च्या रेड कार्पेटवर मराठी लूकमध्ये अवतरलेली ‘ती’ कोण? जगभरात होतेय चर्चा

Cannes 2024: 'कान फिल्म फेस्टिव्हल'चे रेड कार्पेट यंदा खूप चर्चेत राहिले. अनेक बॉलीवूड सेलिब्रिटी व एन्फ्युएन्सर्सचा जलवा यंदाच्या रेड कार्पेटवर पाहायला मिळाला. यासोबत ऐश्वर्या राय, सोभिता धुलीपाला, कियारा अडवाणी या आघाडीच्या अभिनेत्रींनी कानमध्ये जलवा दाखवला. यातच एका तरुणीने व तिच्या मराठमोळ्या लूकने सर्वांचं लक्ष वेधून घेतलं. cannes मध्ये हिरवी पैठणी, नाकात नथ व चंद्रकोर लावलेली ती तरुणी कोण? अशी चर्चा तिचे फोटो व्हायरल झाल्यानंतर होत आहे. Cannes च्या रेड कार्पेटवर आपल्या अस्सल मराठी लूकने लक्ष वेधून घेणाऱ्या या अभिनेत्रीचं नाव निहारिका रायजादा आहे. रेड कार्पेटवर ती काठांची हिरवी पैठणी नेसून पोहोचली. त्याबरोबर तिने लाल शेला घेतला होता. साधा मेकअप अन् मोजकेच दागिने घालून तिने तिचा लूक पूर्ण केला. हील्सवर नऊवारी पैठणी नेसून पोहोचलेली ही अभिनेत्री आजवर बॉलीवूड चित्रपटांमध्येही झळकली आहे. निहारिकाने सूर्यवंशी, टोटल धमाल, आयबी ७१, वॉरियर सावित्री अशा चित्रपटांमध्ये काम केलं आहे. निहारिका ही हिंदी चित्रपटसृष्टीतील ज्येष्ठ संगीतकार ओपी नय्यर यांची नात आहे. निहारिका आपल्या अभिनयासोबतच फॅशनसाठी ओळखली जाते. ती सोशल मीडियावर खूप सक्रिय असून तिचे लाखो फॉलोअर्स आहेत. ती तिच्या बोल्ड फोटोशूटमुळेही चर्चेत असते. (सर्व फोटो - निहारिका रायजादा इन्स्टाग्राम)