Photos: ‘सातव्या मुलीची सातवी मुलगी’ मालिकेतील ‘नेत्रा’चा पहिला पगार होता ‘इतके’ रुपये

झी मराठी वाहिनीवरील 'सातव्या मुलीची सातवी मुलगी' ही मालिका आता एका रोमांचक वळणावर आहे. या मालिकेत अभिनेत्री तितीक्षा तावडे 'नेत्रा' ही मुख्य भूमिका साकारत आहे. 'नेत्रा'ला साक्षात त्रिनयना देवीनेच भविष्य पाहू शकण्याचे वरदान दिले आहे. नुकतीच तितीक्षाने तिच्या पहिल्या कमाईची आठवण चाहत्यांना सांगितली आहे. प्रत्येकासाठी त्याची पहिली स्वकमाई ही खूपच खास असते. तितीक्षने हॉटेल मॅनेजमेंटमध्ये तिचे शिक्षण पूर्ण केले आहे. तितीक्षाची पहिली कमाई (स्टायपेंड) १००० रुपये इतके होते. सहा महिने स्टायपेंडची बचत करून तितीक्षाने ६००० रुपये जमा केल्यानतंर हेअर स्ट्रेट केले होते. तितीक्षाचा हॉटेल मॅनेजमेंटचा कोर्स पूर्ण झाल्यानतंर तिने एका प्रसिद्ध फूड चेनच्या आऊटलेटमध्ये ट्रेनी म्हणून काम केले होते. तेव्हा तितीक्षाचा पगार ११,५०० रुपये इतका होता. पहिल्या पगारातून तितीक्षाने आई- बाबा आणि ताई (खुशबू तावडे)साठी कपडयांची खरीदी केली होती. तितीक्षाला सर्वांसाठी गिफ्ट्सची खरेदी करायला खूप आवडते. माझा प्रवास पाहून मी त्या काळाच्या तितीक्षाला म्हणेन की 'काळजी करू नकोस तू छान करत आहेस. मला तुझा अभिमान आहे!' (सर्व फोटो सौजन्य : तितीक्षा तावडे/इन्स्टाग्राम) (हेही पाहा : 'तुला शिकवीन चांगलाच धडा' मालिकेतील 'अधिपती'च्या लेकीचे क्युट फोटो पाहिलेत का?)