हातात गजरा घेऊन श्रुती मराठेचं लक्षवेधी फोटोशूट; चाहता म्हणतो, “तू साधी…”, पाहा Photos

श्रुती मराठे मनोरंजन विश्वातील लोकप्रिय अभिनेत्री आहे. मात्र, श्रुती केवळ अभिनयासाठीच नाही तर तिने निर्मिती केलेल्या मालिकांसाठीही ओळखली जाते. श्रुती मराठे व तिचा पती, अभिनेता गौरव घाटणेकर यांची निर्मिती असलेली ‘झी मराठी’ वाहिनीवरील ‘नवा गडी नवं राज्य’ मालिका चांगलीच लोकप्रिय ठरली. एवढंच नव्हे तर श्रुती मराठेच्या या मालिकेला सर्वोत्कृष्ट मालिकेचा पुरस्कार मिळाला होता. श्रुतीच्या नव्या मालिकेचं नाव ‘भूमिकन्या – साद घालते निसर्गराजा’ असं आहे. ‘सोनी मराठी’ वाहिनीवर ही नवीन मालिका १० जूनपासून सुरू झाली आहे. मालिकांबरोबर श्रुती सध्या तिच्या लक्षवेधी फोटोशूटमुळेही चर्चेत आहे. श्रुतीचे वेगवेगळ्या लूक्समधील फोटो सोशल मीडियावर तुफान व्हायरल झाले आहेत. नुकतंच श्रुतीने नव्या पेहरावतील फोटो पोस्ट केले आहेत. यावेळी श्रुतीने पांढऱ्या रंगाचा वन-शोल्डर टॉप आणि स्कर्ट घातला होता. श्रुतीने वेणीमध्ये तर गजरा माळलाच होता पण त्याचबरोबर तिने हातातही गजरा बांधला होता. श्रुतीचा हा अनोखा लुक सोशल मीडियावर तुफान व्हायरल झाला आहे. चाहत्यांनी यावर संमिश्र प्रतिक्रिया दिल्या आहे. एका चाहत्याने कमेंट करत म्हटलं आहे, "मला नाही आवडला तुझा हा लूक. तु साधी खूप छान दिसतेस, नको असं करत जाऊस." (फोटोग्राफी : @bharatpawarphotography)