प्रसिद्ध अभिनेत्री कामावर जाण्याआधी जुळ्या मुलांबरोबर घालवतेय वेळ, फोटो शेअर करत म्हणाली…

नयनतारा ही लोकप्रिय दाक्षिणात्य अभिनेत्री आहे. तिने शाहरुख खानच्या 'जवान' चित्रपटातून बॉलीवूडमध्ये पदार्पण केलं. नयनताराच्या पतीचे नाव विग्नेश शिवन असून हे दोघेही जुळ्या मुलांचे पालक आहेत. नयनतारा आपल्या मुलांबरोबरचे फोटो सोशल मीडियावर शेअर करत असते. आता तिने नुकतेच शेअर केलेले फोटो चर्चेत आहेत. या फोटोंमध्ये ती मुलांना खेळवताना दिसतेय. नयनतारा सरोगसीच्या माध्यमातून आई झाली होती. नयनतारा व विग्नेश शिवनच्या बाळांची नावं उईर आणि उलगम अशी आहेत. "मी कामावर जाण्यापूर्वी काही तासांचे प्रेम," असं कॅप्शन नयताराने फोटो शेअर करत दिलं आहे. यात ती तिच्या जुळ्या बाळांचे लाड करताना आणि त्यांना खेळवताना दिसत आहे. नयनताराच्या या फोटोंवर चाहते लाइक्स व कमेंट्सचा वर्षाव करत आहेत. सर्व फोटो - नयनतारा इन्स्टाग्राम)