Photos: ‘घरत गणपती’ चित्रपटातील बॉलिवूड अभिनेत्रीचा काळ्या ड्रेसमध्ये बोल्ड अंदाज

नवज्योत नरेंद्र बांदिवडेकर (Navjyot Bandiwadekar) दिग्दर्शित 'घरत गणपती' (Gharat Ganpati) हा चित्रपट २६ जुलै रोजी प्रदर्शित झाला. नातेसंबंधांतील प्रेम, गोडवा आपल्या सणांच्या माध्यमांतून अधिक दृढ होत असतो. कोकणातील गणेशोत्सवाच्या पार्श्वभूमीवर घडणारी घरत कुटुंबाची मजेशीर गोष्ट या चित्रपटात पाहायला मिळते. या चित्रपटात बॉलिवूड अभिनेत्री निकिता दत्ताने (Nikita Dutta) 'क्रिती'ची भूमिका साकारली आहे. निकिताबरोबर या चित्रपटात अभिनेता भूषण प्रधान, (Bhushan Pradhan) अजिंक्य देव (Ajinkya Deo) आणि अभिनेत्री अश्विनी भावे (Ashwini Bhave) यांनी महत्त्वाच्या भूमिका साकारल्या आहेत. भावनिक नात्यांची गोष्ट हा 'घरत गणपती' या चित्रपटाचा मुख्य केंद्रबिंदू आहे. निकिताने नुकतेच बोल्ड अंदाजात फोटोशूट केले आहे. या फोटोशूटसाठी निकिताने काळ्या रंगाचा शॉर्ट ड्रेस परिधान केला आहे. निकिताने 'कबीर सिंग' या चित्रपटात महत्त्वाची भूमिका साकारली होती. निकिताचे सोशल मीडियावर लाखो फॉलोअर्स आहेत. (सर्व फोटो सौजन्य : निकिता दत्ता/इन्स्टाग्राम) (हेही पाहा : '८० कोटीचे हिरे आता...'; नवरा माझा नवसाचा २ चित्रपटाबद्दलच्या 'या' गोष्टी माहिती आहेत का?)