अवघ्या २३ व्या वर्षी अभिनेत्याने मुंबईत घेतलं हक्काचं घर, आईसह केली पूजा; फोटोंमध्ये दाखवली घराची झलक

लोकप्रिय अभिनेता सिद्धार्थ निगमने मुंबईत हक्काचं घर घेतलं आहे. सिद्धार्थने टीव्ही मालिकांमध्ये बालकलाकार म्हणून आपल्या करिअरला सुरुवात केली होती. आपल्या अभिनयाने प्रेक्षकांची मनं जिंकणाऱ्या सिद्धार्थने नवीन घर घेतलं आहे. सिद्धार्थने नुकताच नवीन घरात गृहप्रवेश केला. त्याने आई व मोठ्या भावाबरोबर घरात पूजा केली. सिद्धार्थने पूजेचे फोटो शेअर करत घराची झलक दाखवली. हे फोटो शेअर करताना सिद्धार्थ निगमनं लिहिलं की, "स्वप्नांचे शहर मुंबईमध्ये माझे स्वप्न पूर्ण झाले आहे आणि आम्ही नवीन घर घेतले आहे." "नवीन घरात आम्ही वास्तूशांती केली. तसेच कलश पूजा व रुद्राभिषेक केला." "ही अनेक वर्षांची मेहनत आहे. मला व माझ्या भावाला आईला असं हक्काचं घर द्यायचं होतं." - सिद्धार्थ निगम "तिला नवीन घरात फिरताना पाहून खूप छान वाटतंय. हे घर आमच्या संघर्षाचं प्रतीक आहे." - सिद्धार्थ निगम "सर्वांच्या आशीर्वादाबद्दल खूप खूप धन्यवाद. ही स्वप्नाच्या शहरातील नवीन सुरुवात आहे," असं सिद्धार्थने लिहिलं. सिद्धार्थच्या अभिनय कारकिर्दीची सुरुवात ‘बॉर्नव्हिटा’च्या जाहिरातीतून झाली. यानंतर सिद्धार्थने ‘धूम ३’ चित्रपटात बालकलाकार म्हणून काम केले. त्यात सिद्धार्थने आमिर खानच्या बालपणीची भूमिका साकारली होती. या चित्रपटानंतर सिद्धार्थ निगमने अनेक हिट टीव्ही शो केले. त्याने ‘चक्रवर्ती अशोक सम्राट’ या मालिकेत दमदार अभिनय करून सर्वांची मने जिंकली. सम्राट अशोकाची भूमिका साकारून तो लोकप्रिय झाला. याशिवाय सिद्धार्थ ‘अलादीन’ आणि ‘चंद्रनंदिनी’ यांसारख्या मालिकांमध्येही दिसला होता. त्याने सलमान खानचा चित्रपट ‘किसी का भाई किसी की जान’मध्ये काम केलं आहे. (फोटो - सिद्धार्थ निगम इन्स्टाग्राम)