‘प्रेमाची गोष्ट’ फेम सावनीची नवीकोरी गाडी पाहिलीत का? अपूर्वा नेमळेकरवर चाहत्यांकडून शुभेच्छांचा वर्षाव

‘रात्रीस खेळ चाले’ या मालिकेमुळे अभिनेत्री अपूर्वा नेमळेकर घराघरांत लोकप्रिय झाली. सध्या अपूर्वा ‘प्रेमाची गोष्ट’ या मालिकेत सावनीची भूमिका साकारत आहे. नुकतीच एक पोस्ट शेअर करत अभिनेत्रीने तिच्या चाहत्यांना आनंदाची बातमी दिली आहे. रक्षाबंधन व श्रावणी सोमवारचं औचित्य साधत अभिनेत्रीने नवीन गाडी खरेदी केली आहे. गाडी खरेदी करताना अपूर्वाचं संपूर्ण कुटुंब उपस्थित होतं. यावेळी नव्या गाडीची अपूर्वाने आपल्या कुटुंबासह पूजा केली. नव्या गाडीची खास झलक सोशल मीडियावर शेअर करत तिने पोस्ट देखील लिहिली आहे. अपूर्वा लिहिते, “रक्षाबंधन आणि तिसरा श्रावणी सोमवार या शुभमुहूर्तावर आम्ही ही नवीन गाडी खरेदी केली आहे. याक्षणी मी माझ्या भावाला अन् वडिलांना प्रचंड मिस करतेय…" अपूर्वाने नवीन गाडी खरेदी केल्याचे फोटो शेअर करताच नेटकऱ्यांनी यावर कौतुकाचा व शुभेच्छांचा वर्षाव केला आहे. तसेच काही मराठी कलाकारांनी देखील अभिनेत्रीला शुभेच्छा दिल्या आहेत. ( सर्व फोटो सौजन्य : अपूर्वा नेमळेकर व PC - @ stories_by_colours_creation )