Ganeshotsav 2024: ‘बहरला संसार तुझ्या…’; सुबोध भावेचं पत्नीबरोबर मराठमोळ्या लूकमध्ये फोटोशूट

मराठी मनोरंजनसृष्टीतील प्रसिद्ध अभिनेता सुबोध भावे (Subodh Bhave) सध्या इन्स्टाग्रामवर चर्चेत आहे. गणेशोत्सवानिमित्त (Ganeshotsav) सुबोधने पत्नी मंजिरी भावेबरोबर (Manjiri Bhave) मराठमोळ्या लूकमध्ये फोटोशूट केले आहे. अभिनेत्री मधुरा जोशी (Madhura Joshi) आणि किमया देशपांडेच्या 'KIRA' या ब्रॅण्डसाठी सुबोध-मंजिरीने फोटोशूट केले आहे. या फोटोंमध्ये सुबोधने निळ्या रंगाचा कुर्ता (Blue Kurta Set) परिधान केला आहे. मंजिरीने फोटोशूटसाठी निळ्या रंगाची नऊवारी साडी (Blue Nauvari Saree) नेसली आहे. नऊवारी साडीतील लूकवर मंजिरीने दागिन्यांचा साज (Jewellery Look) केला आहे. 'बहरला संसार तुझ्या माझ्या प्रेमाने। तरी रोज वाटते तू भेटशी नव्याने ॥' असे कॅप्शन या फोटोशूटला देण्यात आले आहे. या फोटोशूटवर अभिनेत्री अमृता सुभाषने (Amruta Subhash) 'किती गोड...' अशी कमेंट केली आहे. (सर्व फोटो सौजन्य : सुबोध भावे/इन्स्टाग्राम) (हेही पाहा : बाळाच्या स्वागतासाठी वायकुळ कुटुंब सज्ज; पाहा मायराच्या आई-वडिलांचं मॅटर्निटी फोटोशूट)