मंत्र्याच्या मुलाशी लग्न करून संसारात रमली अभिनेत्री, ५ महिन्यांपूर्वी दुसऱ्यांदा झाली आई, पहिल्यांदाच दाखवला लेकीचा चेहरा

Mohena Kumari Daughter Photos : मोहेना कुमारी (Mohena Kumari) ही लोकप्रिय टीव्ही अभिनेत्री व डान्सर आहे. तिला ‘ये रिश्ता क्या कहलाता है’मध्ये कार्तिकच्या बहिणीची भूमिका केल्यावर ओळख मिळाली. काही मालिकांमध्ये काम केल्यावर मोहेनाने लग्न केलं व या क्षेत्राला अलविदा केलं. मोहेना आता दोन मुलांची आई आहे. अभिनयक्षेत्र सोडलं असलं तरी ती तिच्या कुटुंबाचे फोटो सोशल मीडियावर शेअर करत असते. तसेच अनेक कार्यक्रमांचे फोटो शेअर करत असते. मोहेना एप्रिल महिन्यात दुसऱ्यांदा आई झाली. तिने मुलीला जन्म दिला. त्यानंतर आता पहिल्यांदाच तिने तिच्या मुलीचा चेहरा दाखवला आहे. मोहेनाचे सासरे सतपाल महाराज उत्तराखंडचे पर्यटन मंत्री आहेत. सासऱ्यांच्या वाढदिवसाच्या कार्यक्रमातील फोटो सोशल मीडियावर चर्चेत आहेत. याच कार्यक्रमातील फोटोंमध्ये मोहेनाची लाडकी लेक पाहायला मिळते. मोहेनाच्या मुलीचे नाव गौरिता आहे. पाच महिन्यांची गौरिता या फोटोंमध्ये खूपच गोंडस दिसत आहे. मोहेनाच्या वैयक्तिक आयुष्याबद्दल बोलायचं झाल्यास तिच्या पतीचं नाव सुयश रावत आहे. या दोघांनी पाच वर्षांपूर्वी २०१९ मध्ये लग्न केलं. मोहेना ही मध्य प्रदेशमधील रीवाची राजकुमारी आहे. (सर्व फोटो - मोहेना कुमारी व मानव धरम इन्स्टाग्राम अकाउंटवरून साभार)