Bigg Boss Marathi 5 चा विजेता सूरज चव्हाणचे वय अन् शिक्षण किती? जाणून घ्या

बिग बॉस मराठीच्या पाचव्या पर्वाचा ग्रँड फिनाले रविवारी (६ ऑक्टोबर) मोठ्या जल्लोषात पार पडला. अभिजीत सावंत व सूरज चव्हाण टॉप २ सदस्य होते. त्यापैकी सूरज चव्हाणने यंदाच्या पर्वाची ट्रॉफी जिंकली. तर गायक अभिजीत सावंत उपविजेता ठरला. सूरज चव्हाणला शो जिंकल्यावर १४.६ लाख रुपये आणि इतर बक्षिसं मिळाली. सूरजने हा शो जिंकल्यावर त्याचं अभिनंदन केलं जात आहे. पण सूरजचा बिग बॉसपर्यंतचा हा प्रवास सोपा नव्हता. त्याने आयुष्यात खूप संघर्ष केला आहे. पाच बहिणींचा एकुलता एक भाऊ असलेल्या सूरजचा हलाखीच्या परिस्थितीमुळे शिक्षण घेता आलं नाही. Suraj Chavan Age: ३० वर्षांचा सूरज चव्हाण फक्त आठवी पर्यंत शिकला आहे. सूरज लहान असतानाच त्याच्या आई-वडिलांचे निधन झाले. सूरज उदरनिर्वाहासाठी मजुरी करायचा, त्याला ३०० रुपये मिळायचे. नंतर तो टिकटॉवर व्हिडीओ करून प्रसिद्ध झाला. टिकटॉक बंद झाल्यावर तो इन्स्टाग्राम रील्स बनवून लोकप्रिय झाला.