Photos: ‘तू भेटशी नव्याने’ मालिकेतील ‘गौरी’चा लग्नसोहळ्यातील लूक इन्स्टाग्रामवर व्हायरल

सोनी मराठी वाहिनीवरील 'तू भेटशी नव्याने' (Tu Bhetashi Navyane) ही मालिका प्रेक्षकांच्या विशेष पसंतीस उतरली आहे. मालिका विश्वात एक वेगळं पाऊल टाकत पहिली एआय मालिका (AI Technology TV Serial) प्रेक्षकांसाठी आणली. अभिमन्यू सर (Subodh Bhave) व गौरी यांच्यातील विशेष अशी नोकझोक आणि माही व तन्वी यांची प्रेमकथा हे विशेष लक्ष वेधून घेते आहे. ही मालिका आता रंजक वळणावर येऊन पोहोचली आहे. अभिमन्यू सर व गौरी यांचं लग्न पार पडणार आहे. वयाचं अंतर दूर सारून अभिमन्यू आणि गौरी यांचं लग्न होणार आहे. गौरीच्या घरी लग्नाची तयारी धुमधडाक्यात सुरू आहे. लग्नसोहळ्यासाळी गौरी म्हणजेच अभिनेत्री शिवानी सोनारने (Shivani Sonar) गुलाबी रंगाची नऊवारी साडी नेसली आहे. शिवानीने इन्स्टाग्रामवर 'गौरीची लगीनघाई...' असे कॅप्शन देत नऊवारी साडीतील काही फोटो शेअर केले आहेत. ऐन चाळिशीत असलेले अभिमन्यू सर आणि त्यांच्या कॉलेजमधील गौरी यांचा विवाह कसा पार पडणार, हे पाहायला विसरू नका. (सर्व फोटो सौजन्य : शिवानी सोनार/इन्स्टाग्राम) (हेही पाहा : पतीच्या दीर्घ आयुष्यासाठी 'या' बॉलिवूड अभिनेत्रींनी साजरा केला करवा चौथ)