Photos: ‘बिग बॉस मराठी’ फेम जान्हवी किल्लेकरचं निळ्या रंगाच्या साडीत खुललं सौंदर्य, नथीने वेधलं लक्ष

'बिग बॉस मराठी'च्या पाचव्या पर्वात झळकलेली जान्हवी किल्लेकर सध्या नेहमी चर्चेत असते. जान्हवी किल्लेकरचे फोटो, व्हिडीओ सतत सोशल मीडियावर व्हायरल होतं असतात. काही दिवसांपूर्वी तिने 'बिग बॉस मराठी'च्या पाचव्या पर्वाचा विजेता सूरज चव्हाणची त्याच्या गावी जाऊन भेट घेतली होती. या खास भेटीचे फोटो, व्हिडीओ सोशल मीडियावर तुफान व्हायरल झाले होते. नुकतंच जान्हवीने चाहत्यांना दिवाळीच्या शुभेच्छा देण्यासाठी एक खास पोस्ट केली आहे. या पोस्टबरोबर तिने निळ्या रंगाच्या साडीतील सुंदर फोटो शेअर केले आहेत. या फोटोंमध्ये निळ्या रंगाच्या डिझाइनर साडीत जान्हवीचं सौंदर्य चांगलंच खुललं आहे. जान्हवीने घातलेल्या मोठ्या नथीने सगळ्यांचं लक्ष वेधलं आहे. जान्हवीचे निळ्या रंगाच्या साडीतील फोटो सोशल मीडियावर चांगलेच व्हायरल झाले आहेत. दिवाळीनिमित्ताने जान्हवी किल्लेकरने केलेला मराठमोळा लूक चाहत्यांचा पसंतीस पडला आहे. (सर्व फोटो सौजन्य - जान्हवी किल्लेकर इन्स्टाग्राम)