Photos : मराठी कलाविश्वातील ‘ही’ लोकप्रिय अभिनेत्री दुसऱ्यांदा अडकली विवाहबंधनात; घरीच पार पडला लग्नसोहळा

मराठी कलाविश्वातील बऱ्याच कलाकार मंडळींच्या घरी सध्या लगीनघाई सुरू असल्याचं पाहायला मिळत आहे. अशातच आणखी एका अभिनेत्रीने लग्न झाल्याची आनंदाची बातमी आपल्या चाहत्यांबरोबर शेअर केली आहे. या अभिनेत्रीचं नाव आहे स्नेहा चव्हाण. ‘लाल इश्क’ या चित्रपटामुळे घराघरांत लोकप्रिय झालेली अभिनेत्री स्नेहा चव्हाण दुसऱ्यांदा लग्नबंधनात अडकली आहे. याचे फोटो अभिनेत्री व तिच्या कुटुंबीयांनी सोशल मीडियावर शेअर केले आहेत. स्नेहाचं पहिलं लग्न अभिनेता अनिकेत विश्वासरावबरोबर झालं होतं. यानंतर काही वर्षांनी दोघांनी विभक्त होण्याचा निर्णय घेतला. घटस्फोट झाल्यावर स्नेहाने नव्याने आयुष्य जगण्यास सुरुवात केली. आता अभिनेत्रीचा विवाहसोहळा घरच्या घरी पार पडल्याचं फोटोंमध्ये पाहायला मिळत आहे. लग्नानिमित्त अभिनेत्रीच्या घरात आकर्षक सजावट केली होती. याशिवाय स्नेहा व तिच्या पतीने आपल्या जवळच्या मित्र-मैत्रिणींबरोबर वेडिंग केक सुद्धा कापला. केक कापताना वेस्टर्न तर, लग्न लागताना स्नेहाने पारंपरिक लूक केल्याचं पाहायला मिळालं. ( सर्व फोटो सौजन्य : स्नेहा चव्हाण इन्स्टाग्राम )