Makar Sankranti 2025: झी मराठीच्या कलाकारांनी ‘अशी’ साजरी केली मकरसंक्रांत; पाहा खास फोटो

झी मराठी वाहिनीवर मकरसंक्रांतीच्या पूर्व संध्येला 'मकर संक्रांत विशेष उत्सव गोड नात्यांचा' हा सोहळा रंगला. या वाहिनीवरील सर्व कलाकारांनी एकत्र येऊन संक्रांत साजरी केली. या सोहळ्यात प्रेक्षकांना अनेक धमाकेदार परफॉर्मन्सेस पाहायला मिळाले. या सोहळ्याचे खास आकर्षण होते शिवा आणि आशुचा गावरान शेतकरी डान्स. पारू आणि आदित्यचा सिंड्रेला राजकुमार परफॉर्मन्स या सोहळ्यात लक्षवेधी परफॉर्मन्स होता. डॅडी म्हणजेच अभिनेते गिरीश ओक आणि बाई आज्जी म्हणजे सविता मालपेकर यांचा पुष्पा स्पेशल डान्स व अहिल्यादेवी श्रीकांतचा बाहुबली डान्स होते. अनोखं हळदीकुंकूही या सोहळ्यात पार पडले होते. लक्ष्मीकडून सर्व सुवासिनींना हळदी कुंकू व वाण देऊन संक्रांतीच्या सणाचा आनंद द्विगुणित करण्यात आला. या सोहळ्याबद्दल बोलताना 'नवरी मिळे हिटलरला'मधील लीला म्हणजेच वल्लरी विराजने सांगितले.. २०२५ ची आमची सुरुवात जल्लोष आणि उत्सवात झाली. वर्षाचा पहिला सेलिब्रेशनचा क्षण होता जेव्हा आम्ही सर्व झी मराठी कुटूंब एकत्र भेटलो, खूप मज्जा आली, गप्पा झाल्या. झी मराठी कुटुंबामध्ये आम्ही जेवढे नवं विवाहित आहोत ते सर्व हलव्याचे दागिने घालून सजलो होतो, गाणी गायलो, खेळ खेळलो, आणि छान नाचलो ही आहोत. सर्वात खास गोष्ट म्हणजे या कुटुंबात अनेक नवीन सदस्य सामील झाले आहेत. मी हर्षदा ताईंना भेटले त्या 'लक्ष्मी निवास'मध्ये लक्ष्मीची भूमिका साकारत आहेत. लक्ष्मीने आम्हा सर्व नवं विवाहित सुहासिनींना हळदी-कुंकू लावून छान वाण दिले आहे. (सर्व फोटो सौजन्य : झी मराठी/इन्स्टाग्राम) (हेही पाहा : बालकलाकार केया इंगळेने शेअर केले 'संगीत मानापमान' चित्रपटाच्या सेटवरील फोटो)