Photos : कॅन्सरवरील उपचारांदरम्यान हिना खानचे ग्लॅमरस फोटोशूट, गुलाबी शॉर्ट ड्रेसमधील फोटो व्हायरल

प्रसिद्ध टीव्ही अभिनेत्री हिना खान स्टेज ३ ब्रेस्ट कॅन्सरशी झुंज देत आहे. हिनाने गेल्या वर्षी म्हणजेच २०२४ मध्ये स्टेज-थ्री ब्रेस्ट कॅन्सरचे निदान झाल्याची माहिती दिली होती. या बातमीने केवळ हिनाचे चाहतेच नाही तर स्टार्सही हादरुन गेलेले. मात्र, कॅन्सरसारखा गंभीर आजारही हिनाला खचवू शकला नाही. कॅन्सरशी लढा देतानाच हिना तिच्या चाहत्यांसह प्रेरणादायी गोष्टीही शेअर करत आहे. दरम्यान, हिनाने तिचे काही नवे फोटो पोस्ट केले आहेत, जे तिच्या चाहत्यांना खूप आवडत आहेत. हिना खानने तिच्या इन्स्टाग्राम अकाऊंटवर तिच्या लेटेस्ट फोटोशूटचे फोटो शेअर केले आहेत. या फोटोंना आतापर्यंत दीड लाख लाईक्स आले आहेत. तिसऱ्या स्टेजच्या ब्रेस्ट कॅन्सरचे उपचार घेणाऱ्या हिनाचे या फोटोंमधील स्मित हास्य सर्वांचे मन जिंकत आहे. हिनाच्या आउटफिटबद्दल सांगायचे तर तिने गुलाबी रंगाचा रॅप-अप ड्रेस परिधान केलाय. याबरोबर हिनाने सोनेरी रंगाचे कानातले आणि हातात घड्याळ घातले आहे. याशिवाय तिने स्टायलिश चष्मा घातला आहे. हिनाची हेअरस्टाईलही तिच्या ड्रेसला चांगली शोभते आहे. तर काळ्या हाय हिल्स हा लुक पूर्ण करत आहेत. हिनाची वेब सीरीज 'गृहलक्ष्मी' या महिन्यात १६ जानेवारी रोजी OTT प्लॅटफॉर्म EPIC ON वर रिलीज झाली आहे. 'गृहलक्ष्मी' वेब सीरिजमध्ये हिनाने एका धाडसी आणि सशक्त महिलेची भूमिका साकारली आहे. हेही पाहा- Photos : जग्गी वासुदेव यांच्या आश्रमाला अभिनेत्री सायली संजीवची भेट; व्यक्त केल्या भावना, फोटो व्हायरल