Photos: “लिंबू कलरची साडी”, अश्विनी भावे यांच्या नव्या फोटोंची नेटकऱ्यांमध्ये चर्चा…

'अशी ही बनवा बनवी' चित्रपटातील लिंबू कलरच्या साडीमधील अभिनेत्री अश्विनी भावे आणि अभिनेते अशोक सराफ यांच्या सीनचे लाखो लोक आजही चाहते आहेत. अभिनेत्री अश्विनी भावे यांनी साडीमधील नवीन फोटो नुकतेच पोस्ट केले आहेत. त्यांनी परिधान केलेली साडी पाहून चाहत्यांना त्यांच्या चित्रपटातील गाजलेल्या त्या सीनची आठवण होत आहे. दरम्यान अश्विनी भावे यांनी लिंबू रंगासारखीच सॅटीन साडी परिधान केली आहे. या फोटोंमध्ये अश्विनी भावे यांचं तरुण अभिनेत्रींनाही लाजवेलं असं सौंदर्य दिसून येत आहे. दरम्यान, या फोटोंवर चाहत्यांनी 'लिंबू कलरची साडी', 'असं वाटतं की तुम्ही अजून ९० च्या दशकातच आहात. खूप सुंदर!', अशा सुंदर कमेंट्स केल्या आहेत. दरम्यान, अलीकडेच त्यांचा गुलाबी हा मराठी चित्रपट प्रदर्शित झाला होता. ५२ वर्षीय अश्विनी भावे यांनी ‘द रायकर केस’ या वेब सीरिजमधून कलाविश्वात पुन्हा पदार्पण केलं होतं. हेही पाहा- Photos : गुलाबी ऑर्गेंझा साडीत छोट्या पडद्यावरील अभिनेत्रीचं सुंदर फोटोशूट…