लग्नाआधी देवबागच्या समुद्रकिनारी अंकिताने केली कॉकटेल पार्टी! वेस्टर्न लूकने वेधलं लक्ष, तिचं सासर कुठे आहे?

अंकिता वालावलकरच्या घरी सध्या लगीनघाई सुरू असल्याचं पाहायला मिळत आहे. अंकिता व कुणाल यांचा विवाहसोहळा कोकणात देवबाग येथे पार पडणार आहे. लग्नाआधी 'कोकण हार्टेड गर्ल'ने खास 'कॉकटेल पार्टी'चं आयोजन केलं होतं. अंकिता व कुणालने कॉकटेल पार्टीसाठी खास वेस्टर्न लूक केला होता. लाल रंगाच्या बॉडीकॉन ड्रेसमध्ये 'कोकण हार्टेड गर्ल' अतिशय सुंदर दिसत होती. तर, कुणालने सुद्धा यावेळी सूट घातला होता. देवबागच्या समुद्रकिनारी या जोडप्याने लग्नाआधी सुंदर असं फोटोशूट केलं आहे. "फक्त मी, तू आणि न संपणारा प्रवास" असं कॅप्शन अंकिताने या फोटोंना दिलं आहे. कुणाल भगत हा रायगड जिल्ह्यातील माणगावचा आहे. त्याच्या घराचं नाव अनुबंध असं आहे. व्लॉगमध्ये याची झलक पाहायला मिळाली होती. अंकिताच्या या फोटोंवर नेटकऱ्यांसह तिच्या चाहत्यांनी कौतुकाचा वर्षाव केला आहे. मंदार शेट्ये, धनंजय पोवार, प्रशांत नक्ती असे बरेच सोशल मीडिया इन्फ्लुएन्सर्स व सेलिब्रिटी अंकिताच्या लग्नासाठी कोकणात पोहोचले आहेत. ( सर्व फोटो सौजन्य : अंकिता वालावलकर इन्स्टाग्राम व clickography )