‘ठरलं तर मग’च्या सायलीचं मंगळसूत्र पाहिलंत का? अर्जुनशी दुसऱ्यांदा लग्न करून निवडली ‘ही’ डिझाईन, पाहा फोटो…

'ठरलं तर मग' मालिकेमुळे अभिनेत्री जुई गडकरी घराघरांत लोकप्रिय झाली आहे. यामध्ये ती 'सायली' ही मुख्य भूमिका साकारत आहे. सायली-अर्जुनची जोडी महाराष्ट्राच्या घराघरांत लोकप्रिय आहे. याशिवाय टीआरपीमध्ये सुद्धा ही मालिका आघाडीवर आहे. मालिकेत अलीकडेच प्रेक्षकांना सायली-अर्जुनचा विवाहसोहळा पाहायला मिळाला. 'ठरलं तर मग' मालिका सुरू झाल्यापासून हे दोघेही कॉन्ट्रॅक्ट मॅरेजच्या बंधनात अडकले होते. पण, अखेरीस मोठ्या प्रतीक्षेनंतर अर्जुन-सायली एकमेकांसमोर आपल्या मनातील भावना व्यक्त करून विवाहबंधनात अडकले. सायली आणि अर्जुनने सगळ्या सुभेदार कुटुंबीयांसमोर सात फेरे घेत नव्या आयुष्याची सुरुवात केल्याचा सीक्वेन्स मालिकेत पाहायला मिळाला होता. या सगळ्यात चर्चेत आलं ते सायलीचं नवीन मंगळसूत्र. आपल्या नवऱ्याशी दुसऱ्यांदा लग्न केल्यावर सायलीच्या मंगळसूत्राचं डिझाईन सुद्धा मालिकेत बदलण्यात आलं. सायलीच्या नव्या मंगळसूत्राची सध्या सर्वत्र चर्चा रंगली आहे. नेटकऱ्यांना सायलीचं साधं अन् सुंदर मंगळसूत्र खूपच आवडलं आहे. ( फोटो सौजन्य : जुई गडकरी इन्स्टाग्राम स्टोरी व oriolejwels) सध्या सायलीच्या मंगळसूत्राचे अनेक फोटो सोशल मीडियावर व्हायरल होत आहेत. यावरून या मालिकेची क्रेझ किती मोठ्या प्रमाणात आहे हे स्पष्ट होतं. ( सर्व फोटो सौजन्य : जुई गडकरी व स्टार प्रवाह इन्स्टाग्राम )