Photos: ‘गुलकंद’ चित्रपटाच्या प्रमोशनसाठी सई ताम्हणकरने केलेले ग्लॅमरस फोटोशूट्स चर्चेत….

मराठी अभिनेत्री सई ताम्हणकर सध्या तिचा गुलकंद या चित्रपटाचं प्रमोशन करते आहे. त्यासाठी तिने विविध लूक करत फोटोशूटही केले आहे. या फोटोशूटमध्ये तिने प्लेन काळ्या रंगाची साडी नेसली आहे तर त्यावर पांढऱ्या व काळ्या रंगाचे डिझायनर ब्लाऊज पेअर केले आहे. हा एक नवा लूकही सईने नुकताच इन्स्टाग्रामवर शेअर केला आहे. यामध्ये तिने पांंढऱ्या रंगाची प्रिंटेड साडी नेसली आहे. तर काळ्या रंगाचा प्लेन ब्लाऊज तिने घातला आहे. तसेच काळ्या रंगाची रिबीन केसांना लावत तिने या लूकला रेट्रो टच देण्याचा प्रयत्न केला आहे. याशिवाय तिच्या हातात आकर्षक पर्सही दिसते आहे. तर या आणखी एका लूकमध्ये काळ्या रंगाची प्रिंटेड साडी नेसत सईने ग्लॅमरस अंदाजात फोटोशूट केले आहे. दरम्यान सईचा गुलकंद हा मराठी चित्रपट आज १ मे २०२५ रोजी चित्रपटगृहांमध्ये प्रदर्शित झाला आहे. या चित्रपटात सई, समीर चौघुले, प्रसाद ओक आणि इतर अनेक कलाकार पाहायला मिळतील. (सर्व फोटो सौजन्य : सई ताम्हणकर/इन्स्टाग्राम)