Photos : निक्की तांबोळी अन् अरबाज पटेलच्या बोल्ड फोटोशूटची चर्चा! ‘त्या’ कॅप्शनने वेधलं लक्ष

'बिग बॉस मराठी'च्या पाचव्या सीझनमुळे निक्की तांबोळी व अरबाज पटेल यांची जोडी घराघरांत लोकप्रिय झाली. अरबाजचा वाढदिवस १२ मे रोजी असतो. यानिमित्ताने बॉयफ्रेंडला शुभेच्छा देण्यासाठी निक्कीने खास इन्स्टाग्राम पोस्ट शेअर केली होती. या पोस्टसह निक्कीने अरबाज पटेलबरोबरचे रोमँटिक व बोल्ड फोटो शेअर केले आहेत. निक्की-अरबाजच्या या बोल्ड फोटोशूटची सध्या सर्वत्र चर्चा रंगली आहे. निक्कीने या फोटोंना, "गाण्याच्या ओळी सगळं काही बोलून जातात" असं कॅप्शन दिलं आहे. तसेच या पोस्टवर अभिनेत्रीने 'हॅप्पी बर्थडे अरबाज' असंही हॅशटॅगमध्ये लिहिलं आहे. "गाण्याच्या ओळी सगळं काही बोलून जातात" या कॅप्शनप्रमाणे निक्कीने "Die with a Smile" हे इंग्रजी गाणं त्यांच्या रोमँटिक फोटोशूटच्या बॅकग्राऊंडला लावलं आहे. निक्कीच्या पोस्टवर मराठी अभिनेत्याने कमेंट करत या जोडप्याला शुभेच्छा दिल्या आहेत. बिग बॉस मराठी'च्या तिसऱ्या पर्वाचा स्पर्धक व लोकप्रिय अभिनेता-गायक उत्कर्ष शिंदेने कमेंट्समध्ये "बेस्ट Wishes" लिहित या दोघांनाही शुभेच्छा दिल्याचं पाहायला मिळत आहे. सध्या निक्की-अरबाजचं हे रोमँटिक बोल्ड फोटोशूट सर्वत्र चर्चेत आलं आहे. ( सर्व फोटो सौजन्य : निक्की तांबोळी इन्स्टाग्राम )