बद्रीनाथ धाममध्ये प्राजक्ता माळी आणि अमृता खानविलकर यांचा भक्तिमय अनुभव;

महाराष्ट्रातील लोकप्रिय अभिनेत्री प्राजक्ता माळी आणि अमृता खानविलकर यांनी उत्तराखंडमधील पवित्र बद्रीनाथ धामला (Badrinath Dham) भेट दिली. या अभिनेत्रींनी मंदिरासमोर अविस्मरणीय छायाचित्रे टिपली. 'श्रीकृष्ण गोविंद हरे मुरारी'च्या सूरावटीत यात्रेकरूंनी काढले आकर्षक फोटो. सोशल मीडियावर व्हायरल झालेल्या फोटोंमध्ये प्राजक्ता माळी आणि अमृता खानविलकर बद्रीनाथ मंदिराच्या भव्य आणि रंगीबेरंगी वास्तूसमोर पोज देताना दिसत आहेत. अमृता खानविलकर निळ्या रंगाच्या पारंपरिक वेशभूषेत अत्यंत सुंदर दिसत आहेत; तर प्राजक्ता माळीही भारतीय पोशाखात मंदिराच्या पवित्र वातावरणात एकरूप झाल्याचे दिसून येते. या यात्रेद्वारे या दोन्ही अभिनेत्रींनी आपल्या व्यग्र दिनचर्येतून वेळ काढून आध्यात्मिक शांतता अनुभवली आणि आपल्या चाहत्यांनाही धार्मिक स्थळांना भेट देण्याची प्रेरणा दिली आहे. अलीकडेच प्राजक्ता माळी व अमृता खानविलकर यांनी भगवान शंकराचे निवासस्थान असलेल्या केदारनाथ धामाचे दर्शन घेतले होते. (सर्व फोटो सौजन्य : प्राजक्ता माळी/इन्स्टाग्राम)