प्राजक्ता माळीने कुटुंबासह केलं जंगी सेलिब्रेशन, ‘हे’ होतं खास कारण; पाहा फोटो

मनोरंजन विश्वातील सध्याच्या काही आघाडीच्या अभिनेत्रींपैकी एक म्हणजे प्राजक्ता माळी. मराठी मालिका, चित्रपट तसंच रिअॅलिटी शोमधून प्राजक्ताने प्रेक्षकांचं मनोरंजन केलं आहे. अभिनेत्री असण्याबरोबरच प्राजक्ता एक यशस्वी उद्योजिका आणि निर्मातीसुद्धा आहे. अभिनेत्री सोशल मीडियावर कायमच सक्रीय असते. अशातच तिने शेअर केलेला एक व्हिडीओ लक्ष वेधून घेत आहे. प्राजक्ताने कुटुंबासह सेलिब्रेशन केल्याचे खास क्षण शेअर केले आहेत आणि या सेलिब्रेशनचं कारणही सांगितलं आहे. प्राजक्ताच्या कर्जतमधील फार्महाऊसला दोन वर्ष पूर्ण झाल्यानिमित्त त्यांनी हे सेलिब्रेशन केलं. शिवाय नुकत्याच झालेल्या फिल्मफेअर पुरस्कार सोहळ्यातही 'फुलवंती' या चित्रपटाने चांगली कामगिरी केली. फार्महाऊसला दोन वर्ष पूर्ण झाल्याबद्दल आणि 'फुलवंती'ला मिळालेल्या फिल्मफेअर पुरस्कारांबद्दल तिने हे सेलिब्रेशन केलं. प्राजक्ताने शेअर केलेल्या या व्हिडीओमध्ये सगळे जण आनंद साजरा करत असल्याचं पाहायला मिळत आहे. (फोटो सौजन्य : इन्स्टाग्राम) दरम्यान, या व्हिडीओवर चाहत्यांनी आणि कलाकारांनी लाईक्स आणि कमेंट्सद्वारे चांगलाच प्रतिसाद दिला आहे.