‘माझी तुझी रेशीमगाठ’च्या समीर-यशचं रियुनियन, संकर्षण कऱ्हाडेने शेअर केले खास फोटो

‘झी मराठी’ वाहिनीवरील गाजलेल्या मालिकांपैकी एक मालिका म्हणजे ‘माझी तुझी रेशीमगाठ’ मालिका. अभिनेता श्रेयस तळपदे व अभिनेत्री प्रार्थना बेहेरे यांची प्रमुख भूमिका असलेल्या या मालिकेने प्रेक्षकांच्या मनावर अधिराज्य गाजवलं. मालिकेत श्रेयस तळपदे व प्रार्थना बेहेरे यांच्यासह अभिनेता संकर्षण कऱ्हाडेसुद्धा मुख्य भूमिकेत होता. या मालिकेतील यश (श्रेयस तळपदे) व नेहा (प्रार्थना बेहेरे) ही जोडी जितकी लोकप्रिय होती, तितकीच लोकप्रिय यश व समीरची (संकर्षण कऱ्हाडे) जोडी सुद्धा प्रेक्षकांची लाडकी होती. यश व समीरची मैत्री खऱ्या आयुष्यातही तितकीच छान आहे. मालिका संपून चार वर्षे झाली असली तरी अजूनही दोघं कायम सोशल मीडियावर एकत्र फोटो शेअर करत असतात. अशातच संकर्षणने पुन्हा एकदा त्याच्या खास मित्राबरोबरचा म्हणजेच श्रेयस तळपदेबरोबरचा खास फोटो शेअर केला आहे. श्रेयस तळपदे संकर्षणचे नाटक बघण्यासाठी गेला होता. याचा खास फोटो संकर्षणने शेअर केलाय. "प्रयोग बघायला अपना भाई आया था" असं कॅप्शन देत त्याने हे फोटो शेअर केला आहे. श्रेयससह त्याची पत्नी, अभिनेता सुमित राघवन आणि त्याची पत्नी चिन्मयीसुद्धा पोहोचले होते. (फोटो सौजन्य : संकर्षण कऱ्हाडे/श्रेयस तळपदे) दरम्यान, संकर्षणचं 'कुटुंब किर्रतन' हे नाटक सध्या रंगभूमीवर जोरदार सुरू आहे. त्याच्या नाटकाला प्रेक्षकांकडून तुफान प्रतिसाद मिळत आहे.