लोकप्रिय मराठी जोडप्याने ठाण्यात घेतलंय स्वत:चं नवं घर, दारावरची नेमप्लेट आहे खूपच खास; पाहा फोटो

मराठी अभिनेता प्रणव रावराणे आणि त्याची पत्नी व अभिनेत्री अमृता यांनी काही दिवसांपुर्वी ठाण्यात स्वत:चं नवं घर घेतलं. प्रणव हा मराठी इंडस्ट्रीमधील लोकप्रिय अभिनेता असून त्याने अनेक मालिका व चित्रपटांमधून प्रेक्षकांचं मनोरंजन केलं आहे. तर प्रणवची पत्नी अमृता रावराणेसुद्धा काही मराठी मालिकांमधून प्रेक्षकांच्या भेटीला आली आहे. काही दिवसांपुर्वी दोघांनी मिळून त्यांच्या नव्या घराचं स्वप्न साकार केलं. या नवीन घराबद्दल त्यांना अनेकांनी शुभेच्छा दिल्या आहेत अमृताने तिच्या नवीन घरातील पूजेचा व्हिडीओ इन्स्टाग्राम स्टोरीवर शेअर केला होता. अमृताची 'सातव्या मुलीची सातवी मुलगी' मालिकेतील सहअभिनेत्री श्वेता मेहंदळेनेसुद्धा या नवीन घराला भेट दिली होती श्वेताने या प्रणव-अमृता यांच्याबरोबरचा खास फोटो शेअर करत ‘नव्या घरासाठी शुभेच्छा’ असं म्हटलं होतं. त्याचबरोबर प्रणव-अमृता यांच्या एका मित्रानेसुद्धा नव्या घराबद्दल त्यांना भेटवस्तू देत शुभेच्छा दिल्या होत्या. दरम्यान, अमृता-प्रणव यांच्या घराची नेमप्लेट सर्वांचं लक्ष वेधून घेत आहे (फोटो प्रणव-अमृता इन्स्टाग्राम)