तेजस्विनी पंडितचे ‘हे’ फोटो तुम्ही पाहिलेत का? म्हणाली, “साडीतली मी खूप वेगळी…”

अभिनेत्री तेजस्विनी पंडित गेल्या काही दिवसांपासून 'येरे येरे पैसा ३' या चित्रपटामुळे चर्चेत होती. अनेकदा अभिनेत्री तिच्या वक्तव्यांमुळेदेखील खूप चर्चेत असते. याबरोबरच, तेजस्विनीने सोशल मीडियावर केलेल्या पोस्ट, फोटोंचीदेखील चर्चा रंगताना दिसते. अभिनेत्रीचा चाहतावर्ग मोठा आहे. आता तेजस्विनीने काही फोटो इन्स्टाग्रावर शेअर केले आहेत. या फोटोंमध्ये तिने साडी नेसली असल्याचे पाहायला मिळत आहे. मोकळे केस, चेहऱ्यावर गोड हसू, टिकली, बांगड्या यांमुळे ती अत्यंत सुंदर दिसत आहे. हे फोटो शेअर करताना तिने लिहिले, "काही फोटो पोस्ट करायचे राहून गेले होते. मला नटायला फार आवडत नाही. पण, साडीतली मी खूप वेगळी असते." अभिनेत्रीचे साडीप्रेम तिच्या सोशल मीडियावरील पोस्टमधून वेळोवेळी पाहायला मिळते. याआधीही तिने साडीतले तिचे फोटो अनेकदा शेअर केले आहे. त्यावेळीसुद्धा साडीविषयी तिने प्रेम व्यक्त केल्याचे दिसले होते. चाहतेदेखील तिच्या पोस्टवर कमेंट करत तिचे कौतुक करताना दिसतात. आता 'येरे येरे पैसा ३' नंतर आगामी काळात ती कोणत्या चित्रपटातून प्रेक्षकांच्या भेटीला येणार, हे पाहणे महत्वाचे ठरणार आहे. (सर्व फोटो सौजन्य: तेजस्विनी पंडित इन्स्टाग्राम)