मालिकेसह खऱ्या आयुष्यातही आहे बाप-लेकीचं नातं, ‘ठरलं तर मग’च्या सायलीने सांगितला मधुभाऊंबरोबरचा खास बॉण्ड

छोट्या पडद्यावरील लोकप्रिय प्रेक्षकांची आवडती मालिका म्हणजे 'ठरलं तर मग' ही मालिका. 'ठरलं तर मग' मालिकेतील सायली-अर्जुन ही जोडी प्रेक्षकांची अत्यंत लाडकी आणि आवडती जोडी आहे. सायली-अर्जुनसह, सायली आणि मधुभाऊ ही बाप-लेकीची जोडीही प्रेक्षकांना तितकीच आवडते. प्रत्यक्ष आयुष्यातही सायली आणि मधुभाऊ म्हणजेच जुई गडकरी आणि नारायण जाधव यांचं बाप-लेकीसारखं नातं आहे. सायली आणि मधुभाऊ यांच्या खास नात्याबद्दल जुईने काही दिवसांपूर्वी तिच्या भावना व्यक्त केल्या होत्या. यावेळी जुई म्हणालेली, "आमच्यात खूप छान मैत्री आहे. मी त्यांच्याबरोबर कोणत्याही गोष्टीवर बोलू शकते." पुढे ती म्हणालेली, "नारायणमामा कधी बाबा म्हणून ओरडतात; तर कधी मित्र म्हणून गप्पा मारतात, समजून घेतात." पुढे जुई म्हणते, "सायली-मधुभाऊ यांचं नातं प्रेक्षकांना आवडण्याचं कारणच - आमचं वैयक्तिक नातंसुद्धा तितकं छान आहे." यानंतर जुई सांगते, "मी सेटवर सगळ्यांना सांगते की, ऑनस्क्रीन आणि ऑफस्क्रीनसुद्धा मी त्यांची आवडती मुलगी आहे." (फोटो : इन्स्टाग्राम) दरम्यान, सिनेचित्र या युट्यूब वाहिनीला दिलेल्या मुलाखतीत जुईने मधुभाऊंबरोबरच्या नात्याबद्दल सांगितलं होतं.