Photos: “लग्नाला यायला लागलंय!” ‘हळद रुसली कुंकू हसलं’ मालिकेतील जोडीचे फोटोशूट चर्चेत

‘हळद रुसली कुंकू हसलं’ मालिकेतून समृद्धी केळकर आणि अभिषेक रहाळकर यांची जोडी लोकप्रियतेच्या शिखरावर पोहोचली आहे. ऑनस्क्रीन कृष्णा आणि दुष्यंत म्हणून प्रेक्षकांना मोहवणारी ही जोडी आता ऑफस्क्रीनही चर्चेत आहे. इन्स्टाग्रामवर शेअर केलेल्या या खास फोटोंमुळे चाहत्यांमध्ये आनंदाची लाट पसरली आहे. हिरव्या रंगाच्या साडीतील समृद्धीचा लूक आणि मरून कुर्त्यातील अभिषेकचा अंदाज प्रेक्षकांच्या पसंतीस उतरला आहे. दोघांनी हातात हात घेऊन काढलेला फोटो चाहत्यांना रोमॅंटिक फील देतो. मालिकेच्या प्रमोशनसाठी शेअर केलेल्या या पोस्टला चाहत्यांनी भरभरून प्रतिसाद दिला आहे. “हळद रुसली कुंकू हसलं!! लग्नाला यायला लागलंय!!” या कॅप्शनवरून मालिकेतील आगामी एपिसोड्सबाबत उत्सुकता वाढली आहे. समृद्धी आणि अभिषेक यांचा ऑनस्क्रीन बंध आता प्रेक्षकांच्या हृदयात खास स्थान निर्माण करत आहे. (सर्व फोटो सौजन्य : अभिषेक रहाळकर/ इंस्टाग्राम)