Photos : ‘पारू’ मालिकेतील अभिनेत्रीचा गुलाबी साडीत मनाला मोहवणारा लूक

झी मराठीवरील लोकप्रिय मालिका ‘पारू’मध्ये झळकणाऱ्या अभिनेत्री संजना काळे हिने अलीकडेच सोशल मीडियावर एक नवा फोटो शेअर केला आहे. त्याद्वारे तिने चाहत्यांचे लक्ष वेधून घेतले आहे. गुलाबी रंगाची पारंपरिक साडी, फुलांचे आकर्षक डिझाईन आणि त्यासोबतचा हिरवा डिझायनर ब्लाऊज अशा उठावदार पोशाखात संजना दिसत आहे. तिचा हा लूक चाहत्यांना खूपच भावतो आहे. साडीचा पारंपरिक पल्लू आणि जुळवून घेतलेली पोज फोटोला एक वेगळा मोहकपणा देतात. केसांमध्ये माळलेला पांढऱ्या फुलांचा गजरा तिच्या संपूर्ण व्यक्तिमत्त्वाला पारंपरिक टच देतो. हा लूक पाहून अनेकांनी तिला अगदी सणासुदीच्या तयारीतली नवरी म्हणूनही गौरवले आहे. पाठमोरी अदा दाखवीत संजनाने दिलेली पोज फोटोला अधिकच कलात्मक बनवते. साधेपणातली ही सुंदरता तिच्या व्यक्तिमत्त्वाला अगदी साजेशी आहे. पार्श्वभूमीला निसर्गरम्य वातावरण, हिरवीगार झाडे व ढगाळ आकाश दिसत असल्याने फोटोचा सौंदर्यदृष्टीने परिणाम अधिकच खुलून दिसतो. सोशल मीडियावर संजनाच्या या फोटोंवर चाहत्यांकडून भरभरून प्रतिसाद मिळत आहे. अल्पावधीतच हजारो लाइक्स आणि शेकडो कमेंट्स मिळाल्या आहेत. ‘पारू’ मालिकेतल्या भूमिकेमुळे संजना घराघरात पोहोचली आहे. मालिकेत साधेपणाने झळकणारी ही अभिनेत्री सोशल मीडियावर मात्र नेहमीच वेगवेगळ्या फॅशन स्टाइल्स सादर करते. (सर्व फोटो सौजन्य : संजना काळे/इन्स्टाग्राम)