Photos : नवरात्रीत लाल रंगाच्या साडीत खुललं गिरिजा ओक गोडबोलेचं सौंदर्य

नवरात्रीच्या उत्सवी वातावरणात मराठी अभिनेत्री गिरिजा ओक गोडबोले हिचा नवा लूक सोशल मीडियावर झळकला आहे. गिरिजाने लाल रंगाची कॉटन कोटा साडी परिधान करून पारंपरिकतेला उजाळा दिला. लाल रंग नवरात्रीत शक्ती, सामर्थ्य व मंगलतेचं प्रतीक मानला जातो. त्याच रंगात गिरिजा खुलून दिसत आहे. ही साडी तिनं खास कोटा शहरातून खरेदी केली असल्याचं कॅप्शनमध्ये नमूद केलं आहे. साधेपणातही उठावदार दिसणाऱ्या या रेड लूकवर चाहत्यांकडून 'फेस्टिव्ह परफेक्ट' अशा प्रतिक्रिया येत आहेत. नवरात्रीत प्रत्येक दिवसाला वेगळ्या रंगाचे महत्त्व असते. लाल रंगाच्या दिवशी गिरिजाने या साडीची निवड करून सणाचा उत्साह वाढवला. तिचा पारंपरिक पोशाख, मोकळे केस व हलके स्मित या सर्वांमुळे गिरिजाचा लूक अधिकच मोहक वाटतो. गिरिजाचा हा रेड लूक नवरात्रीच्या पार्श्वभूमीवर शक्ती आणि सौंदर्य यांचा संगम दर्शवतो. (सर्व फोटो सौजन्य : गिरिजा ओक गोडबोले/इन्स्टाग्राम)