Photos: सारंग साठ्येने बांधली पॉलाबरोबर लग्नगाठ; ‘अशी’ सुरू झाली होती लव्ह स्टोरी!

Sarang Sathaye Dev Paula Wedding Love Story: 'भाडिपा' (Bharatiya Digital Party) फेम मराठी अभिनेता सारंग साठ्येने २८ सप्टेंबर रोजी पॉलाबरोबर लग्नगाठ बांधील. 'Yes We Got Married!' असे कॅप्शन देत सारंगने इन्स्टाग्रामवर काही फोटो शेअर केले आहेत. सारंग व पॉलाच्या लग्नातील फोटोंवर अनेक कलाकार मंडळीसह चाहत्यांनी भरभरून शुभेच्छांचा वर्षाव केला आहे. 'टोरोंटो फिल्म फेस्टिव्हल'ला एका पार्टीमध्ये सारंग पॉलाला भेटला होता. सारंग आणि अनुषा एका कार्यक्रम करत असताना कॅनडाहून एक मुलगी येणार असल्याचे समजले. तिला भेटल्यावर कुठेतरी आधी पाहिल्याचे सारंगला आठवत होते. पॉलाला मात्र टोरोंटोला भेटल्याचे नीट आठवत होते. सारंग आणि पॉलाच्या बोलण्याची सुरुवातच मजेदार झाली. मित्रांनी त्याला कॅनडाहून सारंगची फॅन आली आहे, अशी चिडवाचिडवी सुरू केली. तिला मराठी समजत नसल्याने सारंगला पॉलाशी संवाद साधण्यास अडचण व्हायची. दोन दिवस बोलत नाही म्हटल्यावर पॉलाने सारंगची मस्करी केली. पहिल्याच भेटीत सारंगला ती आवडली होती. पॉलाशी बोलताना मराठीतून फ्लर्ट केलेलं अजून मला आठवतं, असं सारंग सांगतो. पॉलाचे विचार, स्वभाव, काम करण्याची पद्धत हळूहळू सारंगला आवडायला लागली. एकाच महिन्यात सारंग आणि पॉलाने एकत्र राहण्याचा निर्णय घेतला. हे दोघे आणि अनुषा पुण्यात घर घेऊन राहायला लागले. याआधी घरी आई वडिलांना सारंगने त्याच्या नात्याविषयी सांगितले. भाडिपा (भारतीय डिजीटल पार्टी) हे तिचे बाळ आहे. कारण हे सुरू करण्याची संकल्पना तिची होती. आज भाडिपाला नऊ वर्षे झाली असून पॉला आणि सारंगचे नाते १२ वर्षांचे झाले आहे. (सर्व फोटो सौजन्य : सारंग साठ्ये/इन्स्टाग्राम) (हेही पाहा : काजोलचा दुर्गोत्सवासाठी सोनेरी साडीतील लूक; राणी मुखर्जीबरोबर दिल्या फोटोंसाठी पोज)