Photos : झी मराठी पुरस्कार २०२५ नामांकन पार्टीत ‘कमळी’चा स्टायलिश अवतार

मराठी अभिनेत्री विजया बाबर हिने झी मराठी पुरस्कार २०२५ नामांकन पार्टीत काळ्या रंगाचा ड्रेस परिधान करून सर्वांचे लक्ष वेधले. तिचा हा लूक अतिशय एलिगंट आणि आकर्षक दिसत होता. रेड बॅकड्रॉपसमोर उभी राहिलेली विजया बाबर आणखीनच उठून दिसत होती. साधेपणासोबत ग्लॅमरस टच देणारा हा ड्रेस तिच्या व्यक्तिमत्त्वाला शोभून दिसला. ड्रेसच्या खांद्यावर दिलेले बो-डिझाईन तिच्या लूकला वेगळेपण देत होते. त्याचबरोबर तळाशी असलेली फ्रिल डिझाईन या ड्रेसला अधिक ग्रेसफुल बनवीत होती. विजया बाबर सध्या लोकप्रिय मालिकेत ‘कमळी’ ही मुख्य भूमिका साकारत आहे. मालिकेत ती निरागस, साधी मुलगी साकारते. मात्र, या पार्टीमध्ये तिचा ग्लॅमरस अंदाज पाहून चाहते भारावून गेले. या खास प्रसंगी तिने मिनिमल दागिने आणि नैसर्गिक मेकअप निवडला होता. तिचा हा साधा, पण क्लासी अंदाज तिच्या चाहत्यांच्या पसंतीस उतरला. झी मराठी पुरस्कार २०२५ नामांकन पार्टीत अनेक कलाकारांनी हजेरी लावली होती. पण, विजया बाबरने आपल्या स्टायलिश अवताराने वेगळीच छाप पाडली. मालिकेतली कमळी आणि या पार्टीतील ग्लॅमरस लूक यातला विरोधाभास पाहून प्रेक्षकांना तिच्या बहुपदरी व्यक्तिमत्त्वाची जाणीव झाली. (सर्व फोटो सौजन्य: विजया बाबर/इनस्टाग्राम) (हेही पाहा: Photos: गुलाबी पैठणी, ऑफ-शोल्डर ब्लाऊज..; भाग्यश्री मोटेचे ‘हे’ फोटो पाहून चाहते झाले घायाळ )