‘महाराष्ट्राची हास्यजत्रा’साठी प्राजक्ता माळीने आधी का दिलेला नकार, स्वत:च सांगितलं कारण; म्हणाली…

'महाराष्ट्राची हास्यजत्रा'मधून ‘वाह दादा वाह’ म्हणत महाराष्ट्राच्या घराघरांत पोहोचलेली अभिनेत्री म्हणजे प्राजक्ता माळी. ‘महाराष्ट्राची हास्यजत्रा'मधील सूत्रसंचालनाच्या आपल्या वेगळ्या अंदाजाने प्राजक्ताने सर्वांच्या मनात आपलं घर केलं आहे. मात्र, या शोच्या सूत्रसंचालनासाठी आधी प्राजक्ताने नकार दिला होता आणि याबद्दल स्वत: प्राजक्तानेच सांगितलं आहे. प्राजक्ता म्हणाली, "सुरूवातीला एक सीझन करू आणि दुसऱ्या सीझनसाठी नकार देऊ असं ठरवलेलं. त्यामुळे मी तेवढंच करणार होते." पुढे ती सांगते, "मग दुसऱ्या सीझनवेळी मला प्रसाद ओक म्हणाले, “तू दुसरा सीझनही कर. नाहीतर लोकांना वाटेल, तुला काढलं आहे.” यानंतर ती म्हणते, “पुढे काहीना काही गोष्टी येत राहिल्या आणि शो चालू राहिला. नंतर लॉकडाऊनमध्ये तर फक्त हाच शो सुरू होता." यापुढे प्राजक्ता असं म्हणाली, "'महाराष्ट्राची हास्यजत्रा' शोमुळे माझा सूत्रसंचालनकडे बघण्याचा दृष्टीकोनच बदलला आहे." यानंतर प्राजक्ता सांगते, "या शोमुळे लोकांच्या आयुष्यात सकारात्मकता आणि आनंद येत आहे. त्यामुळे याला गालबोट लागता कामा नये असं मला वाटलं.” दरम्यान, सोनी मराठीच्या MHJ Unplugged या गप्पांच्या कार्यक्रमात प्राजक्ताने तिच्या सूत्रसंचालनाच्या अनुभवाबद्दल सांगितलं आहे. (फोटो : इन्स्टाग्राम)