Photos : ‘तुला जपणार आहे’ मालिकेतील अनन्याचा नारिंगी रंगातील फ्युजन गाऊनमध्ये ग्लॅमरस लूक

झी मराठीच्या ‘तुला जपणार आहे’ मालिकेत अनन्या म्हणून प्रेक्षकांची मने जिंकणारी अभिनेत्री तनिष्का विशे नुकतीच अवॉर्ड नॉमिनेशन सोहळ्यात अवतरली. या खास प्रसंगासाठी तिने निवडलेला नारिंगी रंगाचा ट्रॅडिशनल फ्युजन गाऊन तिच्या लूकला वेगळं सौंदर्य देत होता. या ड्रेसमध्ये झळकणारा सिल्व्हर जरीचा बेल्ट आणि बारीक नक्षीकाम तिच्या स्टाईलला राजेशाही टच देत होता. तनिष्कानं या वेळी पारंपरिकतेसोबत आधुनिकतेचं सुंदर मिश्रण साकारलं होतं आणि तिचा लूक अत्यंत एलिगंट भासत होता. तिच्या गाऊनचा ऑफ-शोल्डर कट आणि परिपूर्ण फिटिंग तिच्या आत्मविश्वासपूर्ण व्यक्तिमत्त्वाला अधोरेखित करीत होता. या संपूर्ण लूकला पूरक ठरत होते तिचे गोल्ड टोनचे कानातले आणि हातातील ब्रेसलेट्स, ज्यांनी लूकमध्ये सोज्वळता आणली. साध्या, पण आकर्षक मेकअपने तनिष्काचा चेहरा खुलून दिसत होता; तर लहानसा काळा बिंदू तिच्या लूकला मराठमोळा स्पर्श देत होता. झी मराठी अवॉर्ड्स नॉमिनेशन सोहळ्यात तिच्या उपस्थितीनं कार्यक्रमाला ग्लॅमरस टच मिळाला. (सर्व फोटो सौजन्य : तनिष्का विशे/इन्स्टाग्राम)