४४ व्या वर्षीही श्वेता तिवारी इतकी फिट कशी? अभिनेत्रीनं सांगितलं तिचं सध्या सुरू असलेलं ‘वर्कआऊट’ रुटीन

४४ वर्षांच्या श्वेता तिवारी यांनी सांगितलं की, त्या 'घर सांभाळणारी आई' असूनही स्वतःसाठी वेळ काढण्याचा प्रयत्न करतात. अभिनेत्रीनं नुकतंच विनोदी कलाकार भारती सिंह आणि तिचा पती हर्ष लिंबाचिया यांच्याशी बोलताना आपला फिटनेस रूटीन शेअर केला. “मी जिमला जाते. दोन महिन्यांपूर्वीपासून पिलाटेस सुरू केलं आहे. थोडं वॉकिंग करते आणि थोडं वेट ट्रेनिंगही करते. सध्या थोडं लिमिटेड करतेय; पण पुन्हा रुटीनमध्ये परतणार आहे,” असं श्वेता म्हणाली. अभिनेत्रीने कबूल केलं की, योगा आणि ध्यानाचा प्रयत्न करूनही ती अनेकदा विचारांच्या गर्दीत अडकते. फिटनेस तज्ज्ञ वरुण रत्तन, संस्थापक - Evolve Fitness, यांच्या मते व्यवस्थित आखलेला रेझिस्टन्स ट्रेनिंग कार्यक्रम दीर्घकाळचा त्रास कमी करण्यास, हालचाली सुधारण्यास व शरीराच्या स्वावलंबनासाठी मदत करतो. वॉकिंग ही सर्वांत सोपी आणि सुलभ व्यायाम पद्धत आहे. कोणत्याही उपकरणाशिवाय, कुठेही करता येणारी ही क्रिया दीर्घकाळ सातत्य ठेवण्यास उपयुक्त ठरते. वेट ट्रेनिंगसुद्धा तितकंच महत्त्वाचं असून, वय वाढल्यावर होणाऱ्या स्नायू आणि हाडांच्या क्षतीवर नियंत्रण ठेवण्यास ते उपयुक्त ठरतं. रत्तन यांच्या म्हणण्यानुसार, “वजन प्रशिक्षणामुळे शरीरात लीन मसल्स तयार होतात, हाडं मजबूत होतात आणि पडल्यामुळे होणाऱ्या दुखापतींचा धोका कमी होतो.” (सूचना : ही माहिती सार्वजनिक स्रोत आणि तज्ज्ञांच्या मतांवर आधारित आहे. कोणताही व्यायाम सुरू करण्यापूर्वी आपल्या डॉक्टरांचा सल्ला घ्यावा.) (सर्व फोटो सौजन्य : श्वेता तिवारी/इन्स्टाग्राम)