Diwali 2025: स्टार प्रवाहच्या ढिंचॅक दिवाळी २०२५साठी कलाकारांचा हटके लूक

Star Pravah Dhinchyak Diwali 2025: स्टार प्रवाहच्या ढिंचॅक दिवाळी कार्यक्रमाची उत्सुकता दिवसागणिक वाढते आहे. लक्ष्य लक्ष्य दिव्यांनी उजळून टाकणारा दिवाळीचा सण (Diwali 2025) अवघ्या काही दिवसांवर आहे. यंदा स्टार प्रवाहचा संपूर्ण परिवार एकत्र येऊन ढिंचॅक दिवाळी साजरी करणार आहे. धमाकेदार परफॉर्मन्सेस, कॉमेडीचा तडका आणि खुमासदार सूत्रसंचालनाने रंगलेला भव्यदिव्य सोहळा १२ ऑक्टोबरला सायंकाळी ७ वाजल्यापासून प्रेक्षकांना अनुभवता येणार आहे. या भव्यदिव्य सोहळ्यासोबतच यंदा रेड कार्पेटवरचा झगमगाटही लक्षवेधी ठरणार आहे. पारंपारिकतेला आधुनिकतेची जोड देणारे कलाकारांचे पोशाख यंदाच्या दिवाळीचं खास आकर्षण ठरणार आहेत. रेड कार्पेटवरच्या या झगमगाटात सर्वच कलाकारांचे लूक ढिंचॅक होते. 'लपंडाव' मालिकेतील सरकार अर्थात अभिनेत्री रुपाली भोसलेचा हटके लूक. 'कोण होतीस तू काय झालीस तू' मालिकेतील यश-कावेरी म्हणजेच अभिनेता मंदार जाधव आणि गिरिजा प्रभूचं ट्विनिंग. 'नशीबवान' मालिकेतील रुद्रप्रताप-गिरिजा म्हणजेच अभिनेता आदिनाथ कोठारे आणि नेहा नाईक, 'हळद रुसली कुंकू हसलं' मालिकेतील कृष्णा दुष्यंत म्हणजेच अभिनेत्री समृद्धी केळकर आणि अभिषेक रहाळकर. 'येड लागलं प्रेमाचं' मालिकेतील राया-मंजिरी म्हणजेच अभिनेता विशाल निकम आणि पूजा बिरारी. 'लग्नानंतर होईलच प्रेम', 'घरोघरी मातीच्या चुली', 'साधी माणसं', 'ठरलं तर मग', 'लक्ष्मीच्या पाऊलांनी' आणि 'तू ही रे माझा मितवा' मालिकेतल्या कलाकारांची रेड कार्पेटवरची एण्ट्री हटके ठरली. स्टार प्रवाहच्या सर्वच मालिकांना प्रेक्षकांचा भरभरुन प्रतिसाद मिळत आहे. (सर्व फोटो सौजन्य : स्टार प्रवाह/इन्स्टाग्राम) (हेही पाहा : 'कांतारा चॅप्टर १' फेम रुक्मिणी वसंतचे स्टायलिश लूकमधील फोटो पाहिलेत का?)